የዋጋ ግሽበት ቁጥጥር በድሬደዋ እና በሶማሌ ክልል | ኤኮኖሚ | DW | 05.08.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኤኮኖሚ

የዋጋ ግሽበት ቁጥጥር በድሬደዋ እና በሶማሌ ክልል

በመሠረታዊ የምግብ ሸቀጦች ላይ የተፈጠረውን ከፍተኛ የዋጋ ንረት ተከትሎ የተለያዩ እርምጃዎች መውሰዳቸውን የሶማሌ ክልል እና ድሬደዋ አስተዳደር ባለሥልጣናት አስታወቁ። በድሬደዋ ከዚሁ ጋር በተያያዘ ከሁለት መቶ በላይ የችርቻሮ መሸቻ ሱቆች እና 11 መጋዘን መታሸጉ ተሰምቷል።  

አውዲዮውን ያዳምጡ። 04:37

«ከመቶ በመቶ በላይ የዋጋ ጭማሪ መታየቱ»

የድሬደዋ አስተዳደር ምክትል ከንቲባ እና የንግድ ኢንዱስትሪ እና ኢንቨስትመንት ቢሮ ኃላፊ አቶ ከድር ጁሀር በአስተዳደሩ የከፋ ሆኗል ያሉትን የዋጋ ግሽበት ለመቆጣጠር በተወሰደ እርምጃ ከሁለት መቶ በላይ የችርቻሮ መሸጫ ሱቆች እና 11 መጋዘን መታሸጉን ተናግረዋል። በቀጣይ የሸማቾች ሕብረት ሥራ ማህበራትን ከማጠናከር ባለፈ በመሠረታዊ ሸቀጦች ላይ የመሸጫ ዋጋ ትመና እንደሚደረግም ተናግረዋል።  

Äthiopien | Dire Diwa | Geschlossene Läden

የታሸቀ መደብር

በነጋዴው ዘንድ በሚታየው የሸቀጥ አላስፈላጊ ክምችት ማድረግ እና በጥቁር ገበያ በሚካሄድ የምንዛሪ ሴራ ለዋጋ ግሽበቱ መባባስ ምክንያት ናቸው ያሉት የሶማሌ ክልል የንግድ እና ኢንዱስትሪ ቢሮ ምክትል ኃላፊ አቶ አህመድ ቦባን በበኩላቸው በዚህ ላይ የክልሉ ካቢኔ ያሳለፈውን ውሳኔ ለዶይቸ ቬለ በስልክ ገልፀዋል። ከቅርብ ቀናት ወዲህ በፍጥነት ተለዋዋጭ በሆነው የሸቀጦች ዋጋ በአብዛኞቹ ላይ ከመቶ በመቶ በላይ ጭማሪ ማሳየቱ ነው የተገለጸው።

መሳይ ተክሉ

ሸዋዬ ለገሠ

ነጋሽ መሐመድ

Audios and videos on the topic

ተዛማጅ ዘገባዎች