የወጣቶች ግጭት በአዲስ አበባ ቦሌ ክፍለ ከተማ ቡልቡላ ወረዳ | ኢትዮጵያ | DW | 22.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የወጣቶች ግጭት በአዲስ አበባ ቦሌ ክፍለ ከተማ ቡልቡላ ወረዳ

ሰኞ መስከረም 10/ 2012 ዓ.ም በአዲስ አበባ ቦሌ ክፍለ ከተማ ቡልቡላ ወረዳ 12 ከረፋዱ 3 ሰዓት ጀምሮ በተፈጠረ የወጣቶች ግጭት የተወሰኑት ጉዳት ደርሶባቸው ሆስፒታል ሲገቡ እስከ ሁለት መቶ የሚደርሱት ታስረዋል።

አውዲዮውን ያዳምጡ። 04:00

አረንጓዴ፣ቢጫ፣ ቀይ ቀለምና ከጀርባው የምኒልክ ምስል ያለዉ ቲሸርት "ለምን ለበስሽ? በሚል ነዉ

ሰኞ መስከረም 10/ 2012 ዓ.ም በአዲስ አበባ ቦሌ ክፍለ ከተማ ቡልቡላ ወረዳ 12 ከረፋዱ 3 ሰዓት ጀምሮ በተፈጠረ የወጣቶች ግጭት የተወሰኑት ጉዳት ደርሶባቸው ሆስፒታል ሲገቡ እስከ ሁለት መቶ የሚደርሱት ለእስር መዳረጋቸውን ዶቼ ቬለ / DW /ያነጋገራቸው የአካባቢ ነዋሪዎች ተናገሩ። ግጭቱ የተቀሰቀሰው አረንጓዴ ፣ ቢጫ ፣ ቀይ ቀለም ያለውና ከጀርባው የምኒልክ ምስል የታተመበትን ቲሸርት "ለምን ለበስሽ? " ፤ " ብለብስስ  " በሚል የተጀመረ ነው ያሉት የአይን እማኞች ሁኔታው ከአካባቢው ፖሊስ አቅም በላይ ሆኖ በርከት ያሉ የፌዴራል ፖሊስ አባላት ከደረሱ በኋላ ሊበርድ መቻሉንም ተናግረዋል። ክስተቱን ተከትሎ ወደ 2 መቶ የሚደርሱ ወጣቶች ታስረው እንደነበርና አብዛኞቹ ቢፈቱም ወደ 50 ያህሉ አሁንም አለመፈታታቸውንም አስታውቀዋል። ችግረል በተከሰትልበት ክፍለ ከተማና የአካባቢው የማህበረሰብ አቀፍ የፖሊስ አገልግሎት ጣቢያ ተገኝተን እንደተመለከትነው ፣ ወጣቶች ታስረዋል ጠያቂዎችም ያለ እረፍት ወደ ጣቢያው ሲገቡና ሲወጡ ተመልክተናል። ጥፋቱን አደረሱ የተባሉትን ወጣቶች እንዲሁም የከተማዋን ፖሊስ ስለ ጉዳዩ ተጨማሪ ማብራሪያዎችን ለማግኘት ጥረት ብናደርግም ሊሳካ አልቻለም ።

ሰለሞን ሙጬ 

አዜብ ታደሰ 

ተስፋለም ወልደየስ 
 

Audios and videos on the topic

ተዛማጅ ዘገባዎች