የኮሶቮና የሰርብያ ቀዝቃዛ ጦርነት መፍትሄ ያገኝ ይሆን? | አውሮጳ/ጀርመን | DW | 29.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አውሮጳ/ጀርመን

የኮሶቮና የሰርብያ ቀዝቃዛ ጦርነት መፍትሄ ያገኝ ይሆን?

በኮሶቮና በሰርብያ መካከል ያለዉን ዉዝግብ ለመፍታት በጀርመኗ መራሂተ መንግሥት አንጌላ ሜርክልና በፈረንሳዩ ፕሬዚደንት ኤማኑዌል ማክሮ የሚመራ ጉባዔ በርሊን ላይ ተካሄደ። ጉባኤዉ የቦስንያ ሄርዞጎቪና፤ አልባንያ፤ሰሜናዊ መቄዶንያ እና የቦሲንኒያ እና ስሎቪንያ የመንግሥት ተጠሪዎች እንዲሁም የአዉሮጳ ኅብረት የዉጭ ጉዳይ ተጠሪ ተገኝተዋል

ስድስት የምዕራብ ባልካን ሃገራትን ለማቀራረብ ጀርመን እና ፈረንሳይ ከሃገራቱ ተወካዮች  ጋር በርሊን ላይ ዛሬ ጉባዔ ተቀመጡ።  በጀርመኗ መራሂተ መንግሥት አንጌላ ሜርክል እና በፈረንሳዩ ፕሬዚደንት ኤማኑዌል ማክሮ የሚመራዉ ይህ ጉባዔ የቦስንያ ሄርዞጎቪና፤ አልባንያ፤ሰሜናዊ መቄዶንያ እና የአዉሮጳ ኅብረት አባል ሃገር የሆኑት የቦሲንኒያ እና ስሎቪንያ የመንግሥት ተጠሪዎች እንዲሁም የአዉሮጳ ኅብረት የዉጭ ጉዳይ ተጠሪ ፌሬድሪካ ሞጎሮኒን ያካተተ መሆኑ ታዉቋል።  ጉባዔዉ በተለይ በተወዛጋቢዎቹ ሰርብያና ኮሶቮ ላይ ያተኮረ መሆኑ ነዉ የተነገረዉ። በጉባዔዉ የሁለቱ ሃገራት ተጠሪዎች በቅድምያ ሃሳብ እንዲለዋወጡ እንደሚደረግ ቢነገርም ስምምነት ላይ ይደርሳሉ ተብሎ ግን አንደማይጠበቅ ተነግሮአል። የቀድሞ ይጎዝላቭያ አካል የነበረዉ በኮሶቮ የአልባንያ ዝርያ በሚበዛበት አዉራጃ በጎርጎረሳዉያኑ 2008 ዓ.ም ከሰርብያ መገንጠሉን ቢያዉጅም የቤልግራዱ መንግሥት እስካሁን እዉቅና አለመስጠቱ ዉዝግቡን እንዳካረረዉ ተመልክቶአል። በሰርቢያና በኮሶቮ መካከል ያለዉን ዉዝግብ ለመፍታት ከመንፈቅ በፊት ጀምሮ ጥረት ቢደረግም እስካሁን ግን ምን ዉጤት አለመገኘቱ ይታወቃል።