የኦሮሚያ ክልል የ122 ኩባንያዎች ፈቃድ ሰረዘ | ኤኮኖሚ | DW | 14.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኤኮኖሚ

የኦሮሚያ ክልል የ122 ኩባንያዎች ፈቃድ ሰረዘ

የኦሮሚያ ክልላዊ መንግሥት የ122 ኩባንያዎችን የሥራ ፈቃድ መሰረዙን አስታውቋል። ሌሎች 200 ገደማ ኩባንያዎች ደግሞ ማስጠንቀቂያ ተሰጥቷቸዋል።

አውዲዮውን ያዳምጡ። 08:25

የኦሮሚያ ክልላዊ መንግሥት እርምጃ

የኦሮሚያ ክልላዊ መንግሥት የ122 ኩባንያዎችን የሥራ ፈቃድ መሰረዙን አስታውቋል። ሌሎች 200 ገደማ ኩባንያዎች ደግሞ ማስጠንቀቂያ ተሰጥቷቸዋል።  የኦሮሚያ ክልላዊ መንግሥት የውኃ ማዕድንና ኢነርጂ ቢሮ የሕዝብ ግንኙነት ኃላፊ አቶ አቡሌ አበጋዝ ናቸው።ኩባንያዎቹ የፈጸሟቸው ጥፋቶች በርካቶች ናቸው ብለዋል። አቶ አቡሌ የቃል እና የጽሑፍ ማስጠንቀቂያ ተሰጥቷቸው  እንደነበርም አንስተዋል። በፈቃዳቸው መሠረት የተሰጣቸውን ቦታ ለሁለተኛ እና ሦስተኛ ወገን ያስተላለፉም ይገኙበታል። አብዛኞቹ የግንባታ ግብዓቶች በማምረት ዘርፍ የተሰማሩ እንደነበሩም ኃላፊው ጠቁመዋል። 
አቶ አቡሌ አበጋዝ ፈቃዳቸው ከተሰረዘባቸው መካከል ከጥበቃ እስከ አስተዳደር ባሉ የሥራ እርከኖች በውጭ አገር ባለሙያዎች ሥራውን ሲያከናውን የነበረ ኩባንያን በምሳሌነት በመጥቀስ የችግሩን ውስብስብነት አስረድተዋል። ባለሙያው እንደሚሉት በኢትዮጵያዊ ስም በተከፈተው ኩባንያ ውስጥ ይሰሩ የነበሩ ሠራተኞች የሥራ ፈቃድ ጭምር አልነበራቸውም።
የሥራ ፈቃዳቸው የተሰረዘባቸው አብዛኞቹ ኩባንያዎች በአዲስ አበባ ዙሪያ የሚገኙ ናቸው።  አቶ አቡሌ እርምጃው የዘገየ እንደሆነ ይናገራሉ። ተቋማቱ ባለባቸው የአቅም ውስንነት ኩባንያዎቹ በተሰጣቸው ፈቃድ መሠረት ሥራ መስራታቸውን እንዳልተከታተሉ ጠቁመዋል። የኦሮሚያ ክልላዊ መንግሥት እርምጃ ሲወስድ ከፌድራል ተቋማት ጋር ውይይት በማድረግ መሆኑን አቶ አቡሌ አበጋዝ ተናግረዋል። 

ሙሉ መሰናዶውን የድምፅ ማዕቀፉን በመጫን ያድምጡ
እሸቴ በቀለ 
ሸዋዬ ለገሠ

Audios and videos on the topic