የእነጋዜጠኛ ኤልያስ ገብሩ ክስ ተቋረጠ | ኢትዮጵያ | DW | 03.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የእነጋዜጠኛ ኤልያስ ገብሩ ክስ ተቋረጠ

የፌደራል አቃቤ ህግ በጋዜጠኛ ኤልያስ ገብሩ እና ሰዓሊ አምሳሉ ገብረኪዳን ላይ ከፍቶት የነበረው ክስ መቋረጡ ታወቀ፡፡ ጋዜጠኛ ኤልያስ እና አምሳሉ ተከስሰው የነበረው አሁን በህትመት ላይ በማይገኘው “እንቁ” መጽሔት ላይ ታትሞ በነበረ ጽሁፍ ምክንያት “ግዙፍ ያልሆነ የማሰናዳት ተግባር ፈጽመዋል” በሚል ነበር፡፡

አውዲዮውን ያዳምጡ። 03:10

የክሱ ሂደት ከሁለት ዓመት በላይ ወስዷል

ከሁለት ዓመት በላይ ያስቆጠረው የጋዜጠኛ ኤልያስ ገብሩ እና ሰዓሊ አምሳሉ ገብረኪዳን ክስ በፌደራል ከፍተኛ ፍርድ ቤት አራዳ ምድብ ችሎት ሲታይ የቆየ ሲሆን ተከሳሾቹ የመከላከያ ምስክር ለማቅረብ ለዛሬ ቀጠሮ ነበራቸው፡፡ ሆኖም ከሳሽ አቃቤ ህግ ባለፈው የካቲት ወር ክሱን በማቋረጡ ዛሬ ከክሱ ነጻ መሆናቸው ተነግሯቸዋል፡፡

ለክሱ መነሻ የሆነው ጽሁፍ “የተገነቡ እና እየተገነቡ ያሉ ሀውልቶች የማን እና ለማን ናቸው?” በሚል በ“እንቁ” መጽሔት በመጋቢት 2006 ዓ.ም በአምሳሉ ገብረኪዳን አማካኝነት የታተመ አስተያየት ነበር፡፡ በወቅቱ የመጽሔቱ ዋና አዘጋጅ የነበሩት አቶ ኤልያስ ለጽሑፍ መታተም ተጠያቂ ናቸው በሚል ከጸሀፊው ጋር አብሮ ተከስሷል፡፡ መጽሄቱን ያነበቡ የጅማ ዩኒቨርስቲ ተማሪዎች ብጥብጥ አስነስተው 40 ሺህ ብር የሚገመት ንብረት እንዲያወድሙ ጽሁፉ ምክንያት እንደሆነ በክሱ ላይ ተጠቅሷል፡፡   

የአዲስ አበባው ዘጋቢያችን ዮሃንስ ገብረእግዚያብሔር ውሳኔውን አስመልክቶ ጋዜጠኛ ኤልያስን አነጋግሯል፡፡ ሙሉ ጥንቅሩን ለማድመጥ የድምጽ ማዕቀፉን ይጫኑ።  

ዮሃንስ ገብረእግዚያብሔር

ተስፋለም ወልደየስ

አርያም ተክሌ 

    

Audios and videos on the topic