የእርስ በርስ ግጭትና ጦርነት የቀጠለባት የመን | ዓለም | DW | 08.04.2015
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የእርስ በርስ ግጭትና ጦርነት የቀጠለባት የመን

በእርስ በርስ ግጭት የጦርነት ቀጣና የሆነችዉ የመን ይዞታ ወደሰብዓዊ ቀዉስ እያመራ መሆኑን የተመድ አመለከተ። የመንግሥታቱ ድርጅት የሕፃናት መርጃ UNICEF እንደገለፀዉ በጦርነቱ በሺዎች የሚቆጠሩት ከቤት ንብረታቸዉ ለመፈናቀል ሲዳረጉ፤ አጋጣሚዉ ለበሽታና ለምግብ እጥረት አጋልጧቸዋል።

ስዑድ አረቢያ መራሹ የተባበረ ኃይል ሁቲ በመባል የሚታወቁትን የሺያት አማፅያንን በጦር ጀት መደብደብ ከጀመረ ከአስር ቀናት በላይ ተቆጥረዋል። በሁቲ አማፅያንና የፕሬዝደንት አቢድ ራቦ ማንሶር ሃዲ ደጋፊዎች መካከልም ባለፉት 24 ሰዓታት በደቡባዊት የመን ኤደን ከተማ የቀጠለዉ ዉጊያ ሲቪሎችን ጨምሮ ቢያንስ የ114 ሰዎችን ሕይወት መጥፋቱን ቀይ መስቀልን የጠቀሰዉ የፈረንሳይ የዜና ወኪል ዘገባ አመልክቷል። ሳዉዲ መራሹን ኃይል ለመደገፍ የተለያዩ ሃገራት ዝግጁነታቸዉን እየገለፁ ነዉ። ፓኪስታን ከሳዉዲ የጦር ጀቶችና መርከቦች እንዲሁም ወታደሮችን የማዋጣት ጥያቄ እንደቀረበላትና እንደምትተባበርም ገልጻለች። የእርስበርስ ግጭትና ጦርነት ስለቀጠለባት የመን የምሥራቅ አፍሪቃና የአካባቢዉን የፖለቲካ ተንታኝ ዩሱፍ ያሲንን ስቱዲዮ ከመግባቴ አስቀድሜ አንዳንድ ጥያቄዎች በማንሳት አነጋግሬያቸዋለሁ፤

ሸዋዬ ለገሠ

ነጋሽ መሐመድ

Audios and videos on the topic