የኢትዮጵያ የሠራተኛ እና ማኅበራዊ ጉዳይ ሚኒስትር ማስተባበያ | ኢትዮጵያ | DW | 30.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የኢትዮጵያ የሠራተኛ እና ማኅበራዊ ጉዳይ ሚኒስትር ማስተባበያ

የሠራተኛ እና ማኅበራዊ ጉዳይ ሚኒስትር ዶክተር ሄርጎጌ ተስፋዬ ከሳዑዲ መንግሥት በኩል ስለጉዳዩ  ሕጋዊ በሆነ መልኩ  የደረሰን ነገር የለም ብለዋል።ሳውዲ ጋዜት እንደጻፈው ከሆነ ግን ስምምነቱን ከኢትዮጵያ በኩል ተግባራዊ ማድረግ ባለመቻሉ ውሉ ተቋርጧል። ከምክንያቶቹ መካከል ከረመዳን በፊት ኢትዮጵያ ሠራተኖችን አለመላኳ ይገኝበታል እንደ ጋዜጣው።

አውዲዮውን ያዳምጡ። 04:18

የሳዑዲ ዐረብያ እና ኢትዮጵያ የሥራ ስምሪት ውል

የውጭ ሃገር የሠራተኛና ሥራ ጉዳዮችን በተመለከት ኢትዮጵያ ከሳዑዲ አረቢያ መንግሥት ጋር የገባችው ስምምነት ገቢራዊ ባለመሆኑ የሳዑዲ ዜጎች ኢትዮጵያዊያን ሠራተኞችን እንዲቀጥሩ ሕጋዊ ሆኖ ተፈቅዶ የነበረው ቪዛ ውድቅ ሆኗል ተብሎ እየወጣ ስላለው መረጃ የሚያውቀው ነገር እንደሌለ የኢትዮጵያ ሠራተኛና ማህበራዊ ጉዳይ ሚኒስቴር አስታወቀ። የሠራተኛ እና ማኅበራዊ ጉዳይ ሚኒስትር ዶክተር ሄርጎጌ ተስፋዬ ለዶቼቬለ እንደተናገሩት መሥሪያ ቤታቸው ከሳዑዲ መንግሥት በኩል ስለጉዳዩ  ሕጋዊ በሆነ መልኩ  የደረሰው ነገር የለም። የሳውዲ ተነባቢ ሳውዲ ጋዜት እንደጻፈው ከሆነ ግን ስምምነቱን ከኢትዮጵያ በኩል ተግባራዊ ማድረግ ባለመቻሉ ውሉ ተቋርጧል። ከምክንያቶቹ መካከል ከሙስሊሞች የጾም ወር ረመዳን በፊት ኢትዮጵያ ሠራተኖችን አለመላኳ ይገኝበታል እንደ ጋዜጣው።ወደ ተለያዩ የአረብ ሃገራት ለስራ የሚሄዱ በርካታ ኢትዮጵያዊያን በሃገራቸው እና በሚሄዱበት ሃገር መንግስታት በኩል ህጋዊ የስራ ስምሪት ስምምነት ባለመኖሩ ለሞት ፣ ከፍተኛ የአካል ጉዳት ፣ ለአዕምሮ ህመም ፣ከዚያም ሲያልፍ ለእስር እና ገንዘባቸውን ለመቀማት ሲዳረጉ ቆይተዋል።አብዛኞችም በሚያደርጉት የህገወጥ ጉዞ ለባህርና ለበረሃ ሲሳይ ሆነው ሲቀሩ ፣ በአሸባሪዎች የጥቃት ሰለባ ሲሆኑ ማየት የተለመደ ነው። የአዲስ አበባው ዘጋቢያችን ሰሎሞን ሙጬ ተከታዩን ዘገባ አጠናቅሯል።

ሰሎሞን ሙጬ

ኂሩት መለሰ

ሸዋዬ ለገሠ

Audios and videos on the topic