የኢትዮጵያ የማኅበራዊ መገናኛ አውታሮች መድረክ ልማት | ኢትዮጵያ | DW | 24.08.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የኢትዮጵያ የማኅበራዊ መገናኛ አውታሮች መድረክ ልማት

ኢትዮጵያ በተለያዩ አገር በቀል ቋንቋዎች አገልግሎት የሚሰጡ የማኅበራዊ መገናኛ አውታሮች መድረኮችን ለማበልጸግ እየሠራች መሆኑን የአገሪቱ ኢንፎርሜሽን መረብ ደህንነት ኤጄንሲ (INSA) ዐስታወቀ። ኢትዮጵያ ላይ አድሏዊ አሠራርን ተከትለዋል የተባሉ ዓለማቀፍ የማኅበራዊ መገናኛ አውታሮች ኩባንያዎችን ለማነጋገር እቅድ መኖሩ ተገልጧል።

አውዲዮውን ያዳምጡ። 04:04

የራሳችን የማኅበራዊ መገናኛ ዘዴዎች መድረክ ያፈልጋል ተብሏል

ኢትዮጵያ በተለያዩ አገር በቀል ቋንቋዎች አገልግሎት የሚሰጡ የማኅበራዊ መገናኛ አውታሮች መድረኮችን ለማበልጸግ እየሠራች መሆኑን የአገሪቱ ኢንፎርሜሽን መረብ ደህንነት ኤጄንሲ (INSA) ዐስታወቀ። የተቋመኑ ዋና ዳይሬክተር ዶ/ር ሹመቴ ግዛው በተለይም ከለይቼ ቬለ ጋር ባደረጉት ቃለ መጠይቅ ቆይታ እንዳረጋገጡት፤ ከቅርብ ጊዜያት ወዲህ ዓለማቀፍ የማኅበራዊ መገናኛ አውታሮች መድረኮችን የኢትዮጵያን አንድነት በሚያቀነቅኑ ተቋማትና ግለሰቦች ላይ በግልጽ የሚታይ አድሏዊ አሠራር ዐሳይተዋል ብለዋል።

ኢትዮጵያ ታበለጽጋለች የተባለው የማኅበራዊ መገናኛ አውታሮች መድረኮች በተለያዩ አማራጮች መልእክት የሚያስተላልፉ የመረጃ ተግባቦት ቴክኖሎጂ ውጤቶች ሲሆኑ፤ መቼ ጥቅም ላይ እንደሚውሉ ግን ለጊዜው አልተገለጸም። ኢትዮጵያ ላይ አድሏዊ አሠራርን ተከትለዋል የተባሉ ዓለማቀፍ የማኅበራዊ መገናኛ አውታሮች ኩባንያዎችን ለማነጋገር እቅድ መኖሩ የተገለጸ ሲሆን በትብብር በመርኅ ላይ ተመስርቶ አብሮ ለመሥረት እቅድ መኖሩም ተነግሯል።
ሥዩም ጌቱ
ማንተጋፍቶት ስለሺ
ሸዋዬ ለገሰ

Audios and videos on the topic

ተዛማጅ ዘገባዎች