የኢትዮጵያና የኤርትራ የሠላም ተስፋ | እንወያይ | DW | 21.12.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

እንወያይ

የኢትዮጵያና የኤርትራ የሠላም ተስፋ

ኤርትራ ለአፍሪቃ ህብረትና ለምስራቅ አፍሪቃ የልማት በይነ መንግሥታት ኢጋድ አምባሳደር መላክዋ በቅርቡም ኢትዮጵያ የኤርትራ ወዳጅ ከሆነችው ከቀተር ጋር ዲፕሎማሲያዊ ግንኙነት መጀመሯ ና ኢትዮጵያም ከኤርትራ ጋር ለመደራደር ዝግጁነቷን ማሳወቋ የፖለቲካ ተንታኞች በበጎ ምልክትነት ወስደውታል ።


ኢትዮጵያና ኤርትራ የአልጀርሱ የሰላም ስምምነት ከተፈረሙ ወዲህ ሰላምም ጦርነትም በሌለበት ሁኔታ ውስጥ ነው ያሉት ። ሁለቱን ሃገራት ጦር ያማዘዘው ባድመ በተባበሩት መንግሥታት ድርጅት አደራዳሪነት ፍርድ ከተሰጠበት በኋላም መግባባት ላይ አልተደረሰም ። ባለፉት አመታትም የአሜሪካን የቅርብ ወዳጅ ኢትዮጵያ የአካባቢው ሰላም ጠባቂ ፤ ኤርትራ ደግሞ የአካባቢው አዋኪ ተብለው ተፈርጀዋል ። የመንግሥታቱ ድርጅት ለአፍሪቃ ቀንድ አለመረጋጋት ተጠያቂ ባደረጋት በኤርትራ ላይ ማዕቀብ ጥሏል ። ኤርትራ ለሚጣልባት ማዕቀብም ሆነ ለሚደርስባት ወቀሳ ኢትዮጵያን ተጠያቂ ታደርጋለች ። በነዚህና በሌሎችም ምክንያቶች የኢትዮጵያና የኤርትራ ግንኙነት መሻሻል ሳይታይበት ዘልቋል ። ይሁንና በመካከሉ ኤርትራ ለአፍሪቃ ህብረትና ለምስራቅ አፍሪቃ የልማት በይነ መንግሥታት ኢጋድ አምባሳደር መላክዋ በቅርቡም ኢትዮጵያ የኤርትራ ወዳጅ ከሆነችው ከቀተር ጋር ዲፕሎማሲያዊ ግንኙነት መጀመሯ ና ኢትዮጵያም ከኤርትራ ጋር ለመደራደር ዝግጁነቷን ማሳወቋ የፖለቲካ ተንታኞች በበጎ ምልክትነት ወስደውታል ። ለመሆኑ በኤርትራ ና በኢትዮጵያ መካከል ሠላም የመውረዱ ተስፋ እስከምንድረስ ነው ? የውይይታችን ትኩረት ነው

ሂሩት መለሰ

ተክሌ የኋላ

Audios and videos on the topic