የአልጄሪያ ውጭ ጉዳይ ምኒስትር ጉብኝት | አፍሪቃ | DW | 02.08.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አፍሪቃ

የአልጄሪያ ውጭ ጉዳይ ምኒስትር ጉብኝት

የአልጄሪያው ውጭ ጉዳይ ምኒስትር ራምታን ላማምራ ካለፈው ሐሙስ እስከ ቅዳሜ በታላቁ የኅዳሴ ግድብ የውኃ ሙሌት እና አስተዳደር ጉዳይ በሚወዛገቡት ኢትዮጵያ፣ ሱዳን እና ግብጽ ጉብኝት ላይ ቆይተዋል። በጉብኝታቸው ከሶስቱ አገራት ውጭ ጉዳይ ምኒስትሮች ባደረጓቸው ውይይቶች የታላቁ የኅዳሴ ግድብ ውዝግብ ተነስቷል።

አውዲዮውን ያዳምጡ። 04:13

የአልጄሪያ ውጭ ጉዳይ ምኒስትር ጉብኝት

የአልጄሪያው ውጭ ጉዳይ ምኒስትር ራምታን ላማምራ ካለፈው ሐሙስ እስከ ቅዳሜ በታላቁ የኅዳሴ ግድብ የውኃ ሙሌት እና አስተዳደር ጉዳይ በሚወዛገቡት ኢትዮጵያ፣ ሱዳን እና ግብጽ ጉብኝት ላይ ቆይተዋል። ውጭ ጉዳይ ምኒስትሩ በአዲስ አበባ ከምክትል ጠቅላይ ምኒስትር እና ውጭ ጉዳይ ምኒስትር ደመቀ መኮንን፣ በኻርቱም ከሱዳን አቻቸው መርየም አል-ሳዲቅ እና በካይሮ ከግብጹ ሳሜሕ ሽኩሪ ባደረጓቸው ውይይቶች ኢትዮጵያ እስካሁን አምስት ቢሊዮን ዶላር ገደማ ያወጣችበት ግድብ ጉዳይ መነሳቱ አልቀረም። 
ራምታን ላማምራ በካይሮ ከሳሜሕ ሽኩሪ ጋር ካደረጉት ውይይት በኋላ የኢትዮጵያ፣ ግብጽ እና ሱዳን ግንኙነት በወሳኝ ሒደት ውስጥ እያለፈ መሆኑን ተናግረዋል። አልጄሪያ ሶስቱን አገሮች ለማሸማገል ፍላጎት እንዳላት በይፋ የገለጸችው ነገር የለም። 
አልጄሪያ ሶስቱን አገሮች የማደራደር ኃላፊነት የተጣለበት የአፍሪካ ኅብረት እና በግድቡ ምክንያት በተቀሰቀሰው ውዝግብ ለግብጽ አደላ እየተባለ የሚወቀሰው የአረብ ሊግ አባል ነች። 
ሰለሞን ሙጬ

እሸቴ በቀለ
ነጋሽ መሐመድ

Audios and videos on the topic