የተቀዛቀዘው የገና በዓል በቤተልሔም | ዓለም | DW | 25.12.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የተቀዛቀዘው የገና በዓል በቤተልሔም

የሮማ ካቶሊካዊት ቤተ-ክርስቲያን ሊቃነ-ጳጳሳት ፍራንሲስ በዓመታዊ የገና በዓል ንግግራቸው የመፅሐፍ ቅዱሶቹን ዮሴፍ እና ማርያም ታሪክ ከወቅታዊው የስደት ቀውስ ጋር አነፃጽረውታል።

አውዲዮውን ያዳምጡ። 03:56
አሁን በቀጥታ እየተሰራጨ ያለ
03:56 ደቂቃ

የትራምፕ ውሳኔ በገና በዓል ላይ ጥላውን ጥሏል

በተለያዩ የዓለም ክፍሎች የገና በዓል እየተከበረ ይገኛል። የሮማ ካቶሊካዊት ቤተ-ክርስቲያን ሊቃነ-ጳጳሳት ፍራንሲስ በዓመታዊ የገና በዓል ንግግራቸው የመፅሐፍ ቅዱሶቹን ዮሴፍ እና ማርያም ታሪክ ከወቅታዊው የስደት ቀውስ ጋር አነፃጽረውታል። ሊቃነ-ጳጳሱ ዛሬ ስደተኞች እንደ ዮሴፍ እና ማርያም ሁሉ ከቀያቸው ለመነቀል መገደዳቸውን ተናግረዋል። ገንዘብ ለማካበት በኃይል በሕገ-ወጥ መንገድ ሰዎች የሚያዘዋውሩትንም አንስተው ገስጸዋል። 
የሕንድ የክርስትና እምነት ተከታዮች በወገናቸው በዓሉን በሥጋት ውስጥ ሆነው እያከበሩ ይገኛሉ። ወደ 24 ሚሊዮን ገደማ የሚሆኑትን የዕምነቱን ተከታዮች ደኅንነት ለመጠበቅ የሕንድ መንግሥት የክልል መስተዳድሮች የጸጥታ ጥበቃቸውን እንዲያጠናክሩ ጠይቋል። ማድሕያ ፓራዴሽ በተባለው ግዛት ወግ አጥባቂ የሒንዱ እምነት ተከታዮች የካቶሊክ መነኮሳትን እና ቀሳውስትን መደባደባቸው የተሰማው በዚህ ወር መጀመሪያ ነበር። 
በፍልስጤም የክርስትና እምነት ተከታዮች በሕብረት የአሜሪካው ፕሬዝዳንት ዶናልድ ትራምፕ ውሳኔን ውድቅ አድርገዋል። የሐይማኖት መሪዎቹ ትራምፕ እየሩሳሌም የእስራኤል ዋና ከተማ ነች ሲሉ የሰጡት እውቅና "አደገኛ" እና "ስድብ" ነው ብለዋል። በእየሩሳሌም የግሪክ ኦርቶዶክስ ቤተ-ክርስቲያን ሊቀ-ጳጳስ አታላሕ ሐና እየሩሳሌም የተቀደሰች፣ መንፈሳዊ እና ብሔራዊ ቅርስ በሆነችው አድርገው ለሚቀበሉ የመላው ዓለም የእስልምና እና የክርስትና እምነት ተከታዮች አሜሪካ ያሳለፈችው ውሳኔ ጥቃት ነው ብለዋል። 
ለመሆኑ የገና በዓል አከባበር በቤተልሔም ምን ይመስል ይሆን? ዜናነሕ መኮንንን አነጋሬዋለሁ። 
 

Audios and videos on the topic