«የተለመደዉ» የኢሕአዴግ መግለጫ  | ኢትዮጵያ | DW | 21.12.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

«የተለመደዉ» የኢሕአዴግ መግለጫ 

የኢሕአዴግ ሥራ አስፈፃሚ ኮሚቴ አሁን በአገሪቱ ዉስጥ ለተፈጠረዉ የፖለቲካ ቀዉስ ተጠያቂዉ ድርጅቱ ራሱ መሆኑን ትላንት በመግለጫዉ ይፋ ማድረጉ ይታወሳል። ጉዳዩን በቅርበት የሚከታተሉት ሰዎች ከሁለት ዓመት በፊት መንግሥት «የወጣቱ ተቃዉሞ ሥራ አጥነትና የራሴ የመልካም አስተዳደር ችግር ነዉ» ካለዉ የተለየ ነገር የለዉም በማለት ይከራከራሉ። 

አውዲዮውን ያዳምጡ። 03:04
አሁን በቀጥታ እየተሰራጨ ያለ
03:04 ደቂቃ

ታዛቢዎች ተጠያቂዎች ለፍትህ እንዲቀርቡ ጠይቀዋል

የኢሕአዴግ ሥራ አስፈፃሚ ኮሚቴ አሁን አገሪቱ ዉስጥ «እየተከሰቱ ያሉ ደም አፋሳሽ ግጭቶች በዋነኛነት የድርጅታችን አመራር ያሳየው ድክመት የፈጠራቸው» ናቸዉ ሲል ትላንት ይፋ ባደረገዉ መግለጫ አሳዉቋል። መግለጫዉ አገሪቱን ወደ አስጊ ሁኔታ ዉስጥ እንድትገባ የኢሕአዴግ ሥራ አስፈጻሚ ኮሚቴ ድክመት ትልቅ ሚና መጫወቱንም አክሎበታል።

ጉዳዩን በቅርበት የሚከታተሉ እና የሚታዘቡ ዜጎች ድክመቱን እና ተጠያቂነቱን በይፋ ማመን አንድ ነገር ሆኖ የፖለቲካ ቀዉሱ ለብዙዎች መሞት፣ መቁሰልና መፈናቀል ምክንያት የሆኑ ተጣርተዉ ለፍትህ እንዲቀርቡ እንዲደረግ ይጠይቃሉ።

ይህን አስመልክቶ በዶይቼ ቬሌ የፌስቡክ ገፅ እና ዋትስአፕ ላይ አስተያየታቸዉን ከሰጡት መካከል፤ የኢሕአዴግ ሥራ አስፈፃሚ ኮሚቴ ባወጣዉ መግለጫ የፖለቲካ ቀዉሱ የራሳቸዉ ችግር የወለደዉ መሆኑን ማመናቸዉ ትልቅ ነገር ነዉ ያሉ አሉ። በተቃራን ግን አንድንዶቹ ይህ መግለጫ ሳይሆን «ማላገጫ» ነዉ ብለዉታል። ገሚሶቹ ደግሞ «አሳፋሪ መግለጫ» ሲሉ ትችታቸዉን ሰንዝረዋል።

ቤዛ በዉቀቱ ብንያም በፌስቡክ ፤ ኢህአዴግ «ትላንት ከዜሮ ተነስቶ የሚያስደምም ታሪክ የሰራ የአገራችን የቁርጥ ቀን ዴሞክራሲያዊ ድርጅት» ስትል፤ ለቤዛ መልስ የሰጣት ታደሰ ዳዲ  ደግሞ «ኢህድግ የሰላም አለኝታ ቢሆን ኖሮ በገዛ ወገኖቹ ላይ ለሰላማዊ ጥያቄ በተወጣ ቁጥር ወንድሞቹን ባልገደለ» ነበር የሚል አስተያየቱን ጽፏል።

ኢሕአዴግ የሰዉን ህይወት እየቀጠፈ ያለ እንዲህ ጥፋቱን ካመነ፣ ስልጣን ለቆ ብሔራዊ ምርጫ መጥራት አለበትም ሲሉ በዋትስአፕ አስተያየታቸዉን  የላኩልን አሉ።

መርጋ ዮናስ

ሸዋዬ ለገሠ 

Audios and videos on the topic

ተዛማጅ ዘገባዎች