የሶማሊያ ካቢኔ ሹምሽር

ጠቅላይ ሚኒስትር ኦማር አብዲረሺድ ዓሊ ሼርማርኬ ሦስት ወራት የወሰደባቸውን የሹም ሽር ውሳኔ ባለፈው ሳምንት መጨረሻ ላይ ተግባራዊ ሲያደርጉ የሶማሊያ ቀጣይ ዕጣ ፈንታ ወደ ሰላሙ ያመራ ይሆን --የሚል ተስፋ በብዙዎች ዘንድ አጭሮ ነበር። የካቢኔ ሹምሽሩ በሸርማርኬና በፕሬዝዳንቱ በሼክ ሸሪፍ መሓል ያለውን የሻከረ ግንኙነትንም ሳያለሳልሰው እንዳልቀረ ተገምቷል። በዚህ የካቢኔ ሽግሽግ ሁለት ተደማጭነት ያላቸው ለዘብተኛ የሚሊሺያ መሪዎች በሚኒስትርነት ተሹመዋል።የአህሉ ሱኒ ዋል ጀማ ቡድን አባል የሆኑት ሁለቱ ሰዎች አዲሱን ካቢኔ ተቀላቅለዋል። ጋዜጠኛ ሞሀመድ ሐጂ አብዲኑር እንደሚለው ግን አዲሱ ካቢኔ ገና በምክር ቤት የሚገጥመው ፈተና እያለ ከሱኒ መሪዎች የደረሰበት ተቃውሞ የካቢኔውን ስኬታማነት አጠራጣሪ አድርጎታል። አህሉ ሱኒ ዋል ጀማ በአዲሱ ካቢኔ የተካተቱት ሁለቱ ሰዎች አንደማይወክሉት ገልጿል።

መሳይ መኮንን

ሂሩት መለሰ