የሰቆጣ ቃል-ኪዳንና ተጨባጭ ለዉጥ ለማምጣት የሚደረግ እንቅስቃሴ | ኢትዮጵያ | DW | 15.03.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የሰቆጣ ቃል-ኪዳንና ተጨባጭ ለዉጥ ለማምጣት የሚደረግ እንቅስቃሴ

በአማራ ክልል ሰቆጣና አዋሳኝ የትግራይ ክልል ወረዳዎች የሚታየዉ የህፃናት መቀንጨርና ሌሎች ማሕበራዊና ኢኮኖሚያዊ ችግሮች ትኩረት ሊሰጣቸው ይገባል ተባለ። ከተወሰኑ ዓመታት በፊት ችግሮችን ለመፍታት የተፈረመው የሰቆጣ ቃል-ኪዳን የተሰኘ ስምምነት የእስካሁን አፈፃፀም ሂደትን ለመታዘብ የመንግስት ከፍተኛ የስራ ሐላፊዎች ጉብኝት አሰድርገዋል።

በአማራ ክልል ሰቆጣና አዋሳኝ የትግራይ ክልል ወረዳዎች ያለው ከፍተኛ መጠን ያለው የህፃናት መቀንጨር እንዲሁም ሌሎች ማሕበራዊና ኢኮኖሚያዊ ችግሮች ትኩረት ሊሰጣቸው ይገባል ተባለ። ከተወሰኑ ዓመታት በፊት የአዋሳኝ አካባቢው ዘርፈ ብዙ ችግሮች ለመፍታት የተፈረመው የሰቆጣ ቃል-ኪዳን የተሰኘ ስምምነት የእስካሁን አፈፃፀም ሂደት ለመታዘብ የኢትዮጵያ ፌደራል መንግስት ከፍተኛ የስራ ሐላፊዎች በአካባቢው ጉብኝት ሲያደርጉ ሰንብተዋል። በአማራ ክልል ሰቆጣ እንዲሁም በአዋሳኝ የትግራይ ክልል ወረዳዎች አሁንም የድህነት መጠኑ ከፍተኛ መሆኑ፣ ለህፃናት የተመቻቸ ሁኔታ እንደሌለ በጉብኝታቸው ወቅት እንደታዘቡ የፌደራል መንግስት ሚኒስቴሮች ገልፀዋል። የሰቆጣ ቃል-ኪዳን እንደሚያመለክተው እስከ 2020 የኢትዮጵያውያን አቆጣጠር በአካባቢው ተጨባጭ ለውጥ  ለማምጣት ታቅዷል። ከዚህም አንዱ የህፃናት መቀንጨር መጠን አሁን ካለው 54 በመቶ ወደ ዜሮ ማውረድ ይገኝበታል።

ሚሊዮን ኃይለሥላሴ 
አዜብ ታደሰ 
እሸቴ በቀለ

Audios and videos on the topic