የሰሜን ተራሮች ብሔራዊ ፓርክ ቃጠሎ አልቆመም | ኢትዮጵያ | DW | 13.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የሰሜን ተራሮች ብሔራዊ ፓርክ ቃጠሎ አልቆመም

በሰሜን ተራሮች ብሔራዊ ፓርክ የተነሳው የእሳት ቃጠሎ ወደ 400 ሔክታር መሬት አጥፍቷል። ቃጠሎው ዋልያና ጭላዳ ዝንጀሮ በሚገኙባቸው የፓርኩ ክፍሎች መድረሱን ወደ ቦታው የተጓዘው የዶይቼ ቬለ ዘጋቢ ተናግሯል። በባሌ እና ሀላይደጌ አሰቦት ተመሳሳይ ቃጠሎ ደርሶ የዜጎችን ትብብር ለመለመን የተገደደችው ኢትዮጵያ የተፈጥሮ ሐብቷን መታደግ ለምን ተሳናት?

አውዲዮውን ያዳምጡ። 03:44

የዶይቼ ቬለው ዘጋቢ የሰሜን ተራሮች ፓርክ ቅኝት

በሰሜን ተራሮች ብሔራዊ ፓርክ ላይ የተነሳው የእሳት ቃጠሎ ወደ 400 ሔክታር መሬት አጥፍቷል። የእሳት ቃጠሎው በተለይ ዋልያ እና ጭላዳ ዝንጀሮ በሚገኙባቸው የፓርኩ ክፍሎች መድረሱን ወደ ቦታው የተጓዘው ሰለሞን ሙጬ ዘግቧል። አስታ እና ወጨኒ የተባሉ የዛፍ አይነቶች፤ የጓሳ ምድር፤ የወፍ ጎጆዎች እና የአይጥ ዝርያዎች ጉዳት ደርሶባቸዋል።

የአማራ ክልል እና የሰሜን ተራሮች ብሔራዊ ፓርክ ባለሥልጣናት የእሳት ቃጠሎውን መቆጣጠር እንዳልተቻለ ወደ ቦታው ላቀናው የጋዜጠኞች ቡድን ተናግረዋል። ከደቡብ አፍሪቃ ወይም ከኬንያ በውሰት ይመጣሉ የተባሉት የእሳት ማጥፊያ ሔሊኮፕተሮች ጉዳይ ገና መቋጫ አላገኘም።

በሰሜን ተራሮች ብሔራዊ ፓርክ ባለፈው መጋቢት 19 በተመሳሳይ ሁኔታ የተነሳው እሳት ለሳምንት ያህል ቆይቶ ጠፍቷል። በወቅቱም ከ342 ሄክታር በላይ የፓርኩ ክፍል መቃጠሉን ኃላፊዎች ገልጸው ነበር፡፡ በፓርኩ ላይ የእሳት ቃጠሎው እንደገና ያገረሸው ባለፈው ሰኞ መጋቢት 30 አመሻሽ ላይ ነው። 

በዚህ አመት ብቻ የባሌ ብሔራዊ ፓርክ፤ ሀላይደጌ አሰቦት ብሔራዊ ፓርክ ተመሳሳይ ቃጠሎ ደርሶባቸዋል። የኢትዮጵያ መንግሥት እንዲህ አይነቱን ቃጠሎ አስቀድሞ ለመከላከል ሆነ ለማጥፋት የዜጎችን ትብብር ሲጠይቅ ከርሟል። ጋዜጠኛ ሔኖክ ስዩም ኢትዮጵያ ብሔራዊ ፓርኮቿን ለመጠበቅ ቸልተኛ ሆናለች ሲል ይወቅሳል።

ዘገባዎቹን ለማድመጥ የድምፅ ማዕቀፉን ይጫኑ

እሸቴ በቀለ

Audios and videos on the topic