የመኪና ግጭት ጥቃት በስቶክሆልም  | አውሮጳ/ጀርመን | DW | 09.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የመኪና ግጭት ጥቃት በስቶክሆልም 

ስዊድን ርዕሠ-ከተማ ስቶክሆልም ዉስጥ ማንነቱ በዉል ያልተነገረ ግለሰብ አንድ የጭነት መኪናን ከትልቅ የገበያ አዳራሽ ጋር አላትሞ በትንሹ ሦስት ሰዎች ተገደሉ። ሌሎች አምስት ቆሰሉ።የተለያዩ መገናኛ ዘዴዎች የሟቾቹ ቁጥር እስከ አምስት እንደሚደርስ ቢዘግቡም የከተማይቱ ፖሊስ ግን ከሦስት በላይ ሰዉ መሞቱን አላረጋገጠም።

አውዲዮውን ያዳምጡ። 02:52
አሁን በቀጥታ እየተሰራጨ ያለ
02:52 ደቂቃ

በርካቶች መቁሰላቸውን ፖሊስ አስታውቋል

 

አርብ ከቀትር በኋላ ስቶክሆልም ስዊድን ውስጥ በሚገኝ የገበያ ማዕከል በአነስተኛ የጭነት መኪና ሆነ ተብሎ በተፈፀመ ግጭት ቢያንስ የሦስት ሰዎች ህይወት ጠፋ ። በርካታ የንግድ መደብሮች በሚገኙበት እና ገበያተኞችም በሚንቀሳቀሱበት በዚሁ ቦታ በደረሰው አደጋ በርካቶችም መቁሰላቸውን ፖሊስ አስታውቋል።  ጥቃቱ በደረሰበት አካባቢ  የተኩስ ልዉዉጥ መሰማቱን የዓይን እማኞች ተናግረዋል ። አደጋው የሽብር ጥቃት ሳይሆን አይቀርም ተብሏል ። ፖሊስ እስካሁን አንድ ተጠርጣሪ መያዙ ተገልጿል። ለጥቃቱ  እስካሁን ማንም ኃላፊነት አልወሰደም። ከአደጋው በኋላ የምድር ውስጥ ባቡሮች አገልግሎት ተቋርጧል ። የከተማዋ ቲያትር እና ፊልም ቤቶች ተዘግተዋል። የአውሮጳ መንግሥታት ጥቃቱን በማውገዝ ለስዊድን ያላቸውን አጋርነት ገልጸዋል።

አዜብ ታደሰ

ኂሩት መለሰ

Audios and videos on the topic