የመንግሥት ርምጃ እና አንድምታው | ኢትዮጵያ | DW | 15.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የመንግሥት ርምጃ እና አንድምታው

 አዲሱ ጠቅላይ ሚኒስትር ሥልጣን በያዙ በጥቂት ቀናት ውስጥ የተወሰዱት እርምጃዎች ከየአቅጣጫው ልዩ ልዩ አስተያየቶች እየተሰጡባቸው ነው። እርምጃዎቹን በበጎ የሚመለከቱት እንዳሉ ሁሉ በጥርጣሬ የሚከታተሉም አልጠፉም።

አውዲዮውን ያዳምጡ። 30:26

የሰሞኑ የመንግሥት እርምጃዎች

ኢትዮጵያ ባለፉት ሁለት ሳምንታት ልዩ ልዩ ክስተቶች አስተናግዳለች። በተለያየ የሽብር ወንጀል ተከሰው የነበሩ የ114 ተጠርጣሪዎች ክስ ሰሞኑን ተቋርጦ እየተፈቱ ነው። ለሁለተኛ ጊዜ በተደነገገው የአስቸኳይ ጊዜ አዋጅ አዲስ አበባ ውስጥ ዳግም የታሰሩ ጋዜጠኞች ፖለቲከኞች እና ጦማርያን የሚገኙባቸው 11 ሰዎች፣ ባህርዳር ተይዘው የነበሩ የዩኒቨርስቲ አስተማሪዎች እና ጋዜጠኞች የሚገኙባቸው 19 ሰዎች ከአንድ ሳምንት በፊት ተፈተዋል። እስረኞች ይሰቃዩበታል የሚባለው ማዕከላዊ የወንጀል መመርመሪያ ማዕከልም ባለፈው ሳምንት መዘጋቱ ተነግሯል። አዲሱ ጠቅላይ ሚኒስትር ባለፉት ሦስት ዓመታት ከፍተኛ ግጭት እና ተቃውሞ ካስተናገዱ ከተሞች ቢያንስ አምቦን ጎብኝተዋል፤ ጠቅላይ ሚኒስትሩ ሥልጣን በያዙ በጥቂት ቀናት ውስጥ የተወሰዱት እነዚህ እርምጃዎች ከየአቅጣጫው ልዩ ልዩ አስተያየቶች እየተሰጡባቸው ነው። እርምጃዎቹን በበጎ የሚመለከቱት እንዳሉ ሁሉ በጥርጣሬ የሚከታተሉም አልጠፉም። የሰሞኑ የመንግሥት እርምጃ እና አንድምታዎቹ የዛሬው እንወያይ ርዕስ ነው። በዚህ ርዕስ ላይ የሚወያዩ ሦስት እንግዶችን ጋብዘናል።ዶክተር በድሉ ዋቅጅራ በአዲስ አበባ ዩኒቨርስቲ መምህር እንዲሁም በግል ጋዜጣና በማህበራዊ ድረ ገጾች የሚጽፉ፣ አቶ ፋንታሁን ብርሀኑ የመግባባት የአንድነት እና ሰላም ማህበር ሃላፊ እንዲሁም አቶ ፍስሀ ተክሌ በዓለም አቀፉ የሰብዓዊ መብት ተሟጋች ድርጅት አምነስቲ ኢንተርናሽናል የአፍሪቃ ቀንድ ጉዳዮች ተመራማሪ  ናቸው ተወያዮቹ።

ሙሉውን ውይይት የድምጽ ማዕቀፉን በመጫን ማዳመጥ ይችላሉ።

ኂሩት መለሰ

 

Audios and videos on the topic

ተዛማጅ ዘገባዎች