የሐዘን መግለጫ ስነ-ስርዓት ለሟች የበረራ ሰራተኞች | ኢትዮጵያ | DW | 11.03.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የሐዘን መግለጫ ስነ-ስርዓት ለሟች የበረራ ሰራተኞች

የኢትዮጵያ የአውሮፕላን አብራሪዎች ማኅበር ትናንት ቢሾፍቱ አቅራቢያ በተከሰከሰው የኢትዮጵያ አየር መንገድ አውሮፕላን ህይወታቸውን ያጡ ስምንት የበረራ ሰራተኞችን እና 149 ሰዎችን አስበው ውለዋል። በመርሐ- ግብሩ የታደሙ አውሮፕላኑን ያበረው የነበሩት ካፒቴን ያሬድ "ትሁት እና ሰው አክባሪ" እንደነበሩ ተናግረዋል።

አውዲዮውን ያዳምጡ። 03:08

የሐዘን መግለጫ ስነ-ስርዓት ለሟች የበረራ ሰራተኞች

የኢትዮጵያ አውሮፕላን አብራሪዎች ማህበር አባላት ትናንት ከአዲስ አበባ ወደ ኬንያ ሲበር በተከሰከሰው አውሮፕላን ህይወታቸውን ላጡ ባልደረቦቻቸው እና ተጓዦች ሃዘናቸውን ሲገልጹ ውለዋል፡፡ ሐዘን በተጫነው እና በርካቶች በታደሙበት በዚህ መርሐ ግብር የማህበሩ አባላት የበረራ ሰራተኞችን ሻማ በማብራት አስበዋቸዋል።

በጋራ ለሃዘን የተቀመጡ የኢትዮጵያ አየር መንገድ ሰራተኞች ሁሉንም ሟች ባልደረቦቻቸውን እየጠቀሱ፣ ትጋታቸውን እና ስነምግባራቸውን እያስታወሱ፣ ጥቁር ለብሰው፣ በሃዘን እንባ ሲራጩ ውለዋል። አደጋው እጅግ እንዳሳዛናቸው የተናገሩት እነዚህ የስራ ባልደረቦች ህይወታቸውን ያጡት የበረራ ሰራተኞች "ታታሪዎችና ምስጉን ከመሆናቸው የተነሳ መልካም እና ጠንካራዎቹ ተሰባስበው ሄዱብን"  እንዲሉም አድርጓቸዋል፡፡

የማህበሩ ፕሬዝዳንት ካፒቴን የሽዋስ ጌታሁን በተለይ ዋና አብራሪ የነበረው ካፒቴን ያሬድ ጌታቸው የቅርብ ጓደኛቸው እንደነበሩ እና ዘወትር ማክሰኞና ሐሙስ አብረው ኳስ ይጫወቱ እንደነበር ለDW ተናግረዋል፡፡ አስደንጋጩ አደጋ ባይከሰት ለሀዘን ሳይሆን እንደወትሮው ለኳስ ነበር የምንገናኘው ብለዋል።  

በሀዘን መግለጫ ስነ ስርዓቱ ላይ የታደመውን የአዲስ አበባው ዘጋቢያችን ሰለሞን ሙጬን ዘገባ ለማድመጥ የድምጽ ማዕቀፉን ይጫኑ።  

ሰለሞን ሙጬ 

ተስፋለም ወልደየስ 

እሸቴ በቀለ 

Audios and videos on the topic