ዓለም አቀፍ የዕውቀት ልውውጥ | ሳይንስ እና ኅብረተሰብ | DW | 07.08.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ሳይንስ እና ኅብረተሰብ

ዓለም አቀፍ የዕውቀት ልውውጥ

ረሃብን ለመቅረፍ በሽታን ለመከላከል፣ መሠረተ ልማትን በሰፊው ለመዘርጋት ፣ በአጠቃላይ ኑሮን ለማሻሻል፤ ዕውቀት ወሳኝ ነው። ዕውቀት የሚስፋፋው ፤ የሚዳብረው ፣ በመመራመርና ከሌሎች ጋር የሐሳብ ልውጥ በማድረግ ነው። ይህን በማከናወን ቀዳሚውን ቦታ

የሚይዙት : በየዘርፉ የተሠማሩ ተማራማሪ ምሁራን ናቸው። በእንዲህ ሁኔታ የሚስፋፋውን ዕውቀት፣ በተመክሮ ከዳበረ ዕውቀትና ልምድ ጋር አጣምሮ መጠቀሙ ፣ ለታዳጊ ሀገራት በተለይ ፣ አብነቱ የሚያጠያይቅ አይደለም።

ጥቂት ኢትዮጵያውያን ምሁራን ፣ በብሪታንያ መዲና ፣ በለንደን ፣ የጀመሩት ተሰባስቦ የመምከር፤ ሐሳብ የመለዋወጥ ተመክሮ ፣ ሰፊ ጠቀሜታ እንዳለው ከጊዜ ወደ ጊዜ እያሥመሰከረ ሳይመጣ አልቀረም።

ዘመኑ ባስገኘው የኢንተርኔት መገናኛ ስልት የሚመክሩ ኢትዮጵያውያን ምሁራን ፣ በዚሁ የግንኙነት መረብ ብቻ ሳይሆን በአካልም ፤ ከዓለም አቀፍ የኢትዮጵያ ወዳጅ ምሁራን ጋር እየተገናኙ የሚመክሩበት መድረክ ዘንድሮም ሆነ በመጪው ዓመት በኅዳር ወር 2ኛ ሳምንት ገደማ ላይ 3ዓመት ይሆነዋል።

ለመጪው ጉባዔ፣ ተመራማሪዎች በአጠቃላይ ምሁራን ጠቃሚ ጽሑፎቻቸውን እስከ ነሐሴ 9 ,2005 (እ ጎ አ እስከ ነሐሴ 15 ,2013)እንዲያቀርቡ ተጠይቀዋል። የዚህ ዓይነቱ ጉባዔ ፣ ለሀገር ዕድገት ካለው አስተዋጽዖ አኳያ፣ የጉባዔውን ዋና አስተባባሪና ሊቀመንበር ፤ የ London South Bank University ባልደረባ የሆኑትን ዶክተር አማረ ደስታን ለቀጣዩ ጉባዔ የምርምር ውጤቶች እንዲቀርቡ ለተላላፈው ጥሪ እስካሁን ምን ዓይነት ምላሽ እንደተገኘ ያብራሩልን ዘንድ ጠይቄአቸው ነበር---------

(ድምፅ)

ተክሌ የኋላ

ሸዋዬ ለገሰ

Audios and videos on the topic