ዓለም አቀፉ የካቶሊካዉያን ጳጳሳት ጉባዔ | አውሮጳ/ጀርመን | DW | 25.02.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አውሮጳ/ጀርመን

ዓለም አቀፉ የካቶሊካዉያን ጳጳሳት ጉባዔ

ጣልያን ቫቲካን ዉስጥ ለአራት ቀናት የዘለቀዉ ዓለም አቀፍ የካቶሊካዉያን ጳጳሳት ጉባዔ በቤተ-ክርስቲያኒቱ ዉስጥ ሕጻናት ላይ የሚፈፀመዉን የወሲብ ጥቃትና ትንኮሳ ወንጀልን ለመዋጋትና ወንጀለኛ የተባሉት ቄሶች ላይ ተገቢዉ ርምጃ ሊወሰድ እንደሚገባ በመግለፅ ተጠናቀቀ።

አውዲዮውን ያዳምጡ። 04:15

ጉባዔዉ የወሲብ ጥቃትና ትንኮሳን በመታገል ላይ ትኩረት ሰጥቷል

ጉባዔዉ በተለያዩ የዓለም ሃገራት ዉስጥ በሚገኙ የካቶሊካዊት አብያተ ክርስትያናት ዉስጥ በልጆች እና በአዋቂዎች ላይ የተፈፀሙና የሚፈፀሙ የወሲብ ጥቃትና ትንኮሳን በግልጽ ለማዉጣትና ለመግታት በሚቻልበት ሁኔታ ላይ ትኩረት ሰጥቶ ተወያይቷል።  ትናንት ያበቃዉን የቫቲካኑን ጉባዔ የመሩት የካቶሊካዊት ቤተ-ክርስትያን ርዕሰ ሊቃነ- ጳጳሳት ፍራንሲስ በበኩላቸዉ ስለ ችግሩ በግልፅ መወያየት እንዲሁም በግልፅ ማዉጣት እንዳለበት ተናግረዋል።

በሌላ በኩል ጀርመንን ወክለዉ በጉባዔዉ የተሳተፉት የሙኒክና የፍራይዚንግ ጳጳስ ካርዲናል ራይንሃልድ ማርክስ ቫቲካን የወሲብ ትንኮሳ የፈፀሙ ግለሰቦችን ደብቃ ይዛለች ሲሉ ወቅሰዋል። ከ190 በላይ ጳጳሳት በተሳተፉበት በቫቲካኑ ጉባዔ ላይ  የኢትዮጵያ ካቶሊካዊት ቤተ-ክርስትያንን ወክለዉ የጅማና ቦንጋ አገረ ስብከት ጳጳስ ብፁዕ አቡነ ማርቆስ ገብረመድሕን የተገኙ ሲሆን፤ የኤርትራ ካቶሊካዊ ቤተ-ክርስትያንን ወክለዉ ደግም የባሬንቱ አገረ ስብከት ጳጳስ ቶማስ ኦስማን ተገኝተዋል።  


ተኽለ እዝጊ ገብረየሱስ 


አዜብ ታደሰ 
ማንተጋፍቶት ስለሺ

Audios and videos on the topic