ውይይት፦ ፌዴራሊዝምና ዲሞክራሲያዊ ሽግግር በኢትዮጵያ  | ኢትዮጵያ | DW | 03.03.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

ውይይት፦ ፌዴራሊዝምና ዲሞክራሲያዊ ሽግግር በኢትዮጵያ 

የኢትዮጵያን የፌዴራል ሥርዓት አንዳንዶች በኢትዮጵያውያን መካከል መቃቃር እና ግጭት እንዲስፋፋ ያደረገ «የጎሣ ፌዴራሊዝም» ሲሉ ይኮንኑታል። ሌሎች በበኩላቸው፦ ኢትዮጵያውያን ቋንቋቸውን እና ባሕላቸውን እንዲያዳብሩ እድል ፈጥሯል በማለት ያወድሱታል። 

አውዲዮውን ያዳምጡ። 29:53

«በፌዴራሊዝሙ አንደራደም» አላልንም

ኢትዮጵያ ኅዳር 29 ቀን፣ 1987 ዓ.ም በአዋጅ በጸደቀው ሕገ-መንግሥት መሰረት ካለፉት ኹለት ዐሥርተ-ዓመታት በላይ የምትመራው ቋንቋን መሰረት ባደረገ የፌዴራል ሥርዓት ነው። ይኽን ሥርዓት አንዳንዶች በኢትዮጵያውያን መካከል መቃቃር እና ግጭት እንዲስፋፋ ያደረገ «የጎሣ ፌዴራሊዝም» ሲሉ ይኮንኑታል። ሌሎች በበኩላቸው፦ ኢትዮጵያውያን ቋንቋቸውን እና ባሕላቸውን እንዲያዳብሩ እድል ፈጥሯል በማለት ያወድሱታል። 

ዲሞክራሲያዊ የለውጥ ሽግግር ላይ መኾኗ የሚነገርላት ኢትዮጵያ ፖለቲከኞቿ ሁሉን የሚያግባባ ኹነኛ የፖለቲካ ሥርዓት ለመመስረት ቁርጠኝነታቸውን ሲገልጡ ይደመጣል። መንግሥትም የተለያየ የፖለቲካ አመለካከት ካላቸው ድርጅቶች ጋር ተቀራርቦ ለመሥራት ዝግጁ መኾኑን በተደጋጋሚ ይናገራል። 

በዚሁ ሳምንት እንደውም ገዢው ኢሕአዴግ አባል ድርጅቶቹ ወደ አንድ ሀገራዊ ፓርቲ እንደሚቀየሩ ይፋ አድርጓል።  በሌላ በኩል የመንግሥት አካል የኾነው የኦሮሞ ዲሞክራሲ ፓርቲ በምኅጻሩ ኦዲፒ፦ «በፌዴራሊዝሙ አንደራደም» የሚል መግለጫ ሰጠ መባሉ መነጋገሪያ ኾኗል።  መግለጫው ኢትዮጵያ ጀምሬዋለሁ ባለችው ዲሞክራሲያዊ ሽግግር ሒደት ላይ አሉታዊ ተጽዕኖ ይፈጥራል የሚል ስጋታቸውን የሚገልጡም ተበራክተዋል። «ፌዴራሊዝምና ዲሞክራሲያዊ ሽግግር በኢትዮጵያ» የውይይቱ ርእስ ነው።

ሙሉ ውይይቱን ለማድመጥ እታጥ ካለው የድምፅ ማጫወቻ ማግኘት ይቻላል። 
ማንተጋፍቶት ስለሺ

Audios and videos on the topic

ተዛማጅ ዘገባዎች