ኬንያ ለኢትዮጵያ በለሙ ወደብ መሬት ልታቀርብ ነዉ | ኢትዮጵያ | DW | 09.05.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

ኬንያ ለኢትዮጵያ በለሙ ወደብ መሬት ልታቀርብ ነዉ

የኢትዮጵያ ጠቅላይ ሚኒስትር ዶክተር አብይ አህመድ ከትላንት ወድያ በኬንያ ባደረጉት ጉብኝት ከአቻቻዉ ከፕሬዝዳንት ኡሁሩ ኬኒያታ ጋር በኢኮኖሚ ጉዳዮች ላይ መወያየታቸዉን ጉቭንቱን አስመልክቶ የወጣዉ መግለጫ ያመለክታል።

አውዲዮውን ያዳምጡ። 03:09

ኬንያና ኢትዮጵያ

ኬንያ በለሙ ወደብ አከባቢ ኢትዮጵያ ስራን ማቀላጠፍ የሚያስችላት ግንባታ የምታካሂድበት መሬት እንደምታቀርብ፤ ኢትዮጵያም ግንባታውን ለማካሄድ ቆርጣ መነሳቷን ማሳወቋ በመግለጫዉ ተጠቅሷል።

ስምምነቱ የስራ እድል እንደሚፈጥር፤ የዉጭ ገበያን እንደሚያቀላጥፍ፤ ኬንያም ሁለተኛ ወደቧን ለመስራት እንደሚረዳት እና ኢትዮጵያ አማራጭ የወደብ በር እንዲኖራት እንደሚያደርግ የኬንያ የዉጭ ጉዳዮችና የዓለም አቀፍ ንግድ ሚኒስትር የኮሙኒኬሼን ሃላፊ ኤድዊን ሊሞ ለዶይቼ ቬሌ በላኩት እሜል ገልጸዋልዋል።

በአሁኑ ሰዓት ኢትዮጵያ ከሌላው ዓለም ጋር ለመገበያየት በዋነኛነት የምትጠቀመዉ የጅቡቲን ወደብ ነው። ሆኖም የተለያዩ አማራጮች ቢኖሯት የአገሪቱን እድገት እንደሚያቀላጥፍ የሎጂስቲክስ ባለሙያ የሆኑት አቶ ጥለሁን ሙሉጌታ ይናገራሉ።

በጭነት ማስተላለፍ ስራ ላይ የተሰማራ የድስፓችድ እንቴርናሽናል ሎጅስትክ ዋና ስራ አስኪያጅ  አቶ አላዛር ጌታቸዉ ኢትዮጵያ በለሙ ላይ ሥራ ማቀላጠፍ የሚያስችላት ግንባታ ማካሄዷ ለሁለቱም አጋራት ጠቀሜታ እንዳለዉ ያስረዳሉ።

ሁለቱ አገራት ከኢሲኦሎ-ሞያሌ-ሃዋሳ-አድስ አባባ የሚያገናኝ መንገድ፤ በተመሳሳይም አዲስ አበባን ከናይሮቢ የሚያገናኝ  የባቡር መስመር ለማልማት መስማማታቸዉን መግለጫዉ ያመለክታል።

መርጋ ዮናስ

ሂሩት መለሰ 

Audios and videos on the topic