ከበጎ ፈቃደኛ ልዩነህ ታምራት ጋር የተደረገ ቃለ-ምልልስ | ወጣቶች | DW | 19.07.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ወጣቶች

ከበጎ ፈቃደኛ ልዩነህ ታምራት ጋር የተደረገ ቃለ-ምልልስ

ልዩነህ ታምራት ወጣቶችን በዘላቂነት ከጎዳና ሕይወት ለማላቀቅ ሥነ-ልቦናዊ እገዛ፣ ፍቅር እና የክኅሎት ሥልጠና ያስፈልጋቸዋል የሚል እምነት ያለው በጎ ፈቃደኛ ነው። ልዩነህ ከሌሎች ባልደረቦቹ ጋር በመተባበር በተለያዩ የአገሪቱ ክፍሎች አራት የማገገሚያ ማዕከላት የማቋቋም ውጥን ጭምር አለው። 

አውዲዮውን ያዳምጡ። 09:35

ከበጎ ፈቃደኛ ልዩነህ ታምራት ጋር የተደረገ ቃለ-ምልልስ

በአዲስ አበባ ከተማ መስቀል አደባባይ፣ ብሔራዊ፣ መርካቶ እና ፒያሳን ጨምሮ በርካታ ኑሯቸውን በጎዳና ያደረጉ ታዳጊዎች እና ወጣቶች መመልከት የተለመደ ሆኗል። በጉዳዩ ላይ የተሰሩ ጥናቶች እንደሚጠቁሙት በምጣኔ-ሐብታዊ፤ ማኅበራዊ እና ፖለቲካዊ ፈተናዎች ምክንያት ዜጎች ከሌሎች የኢትዮጵያ አካባቢዎች ወደ አዲስ አበባ የሚያደርጉት ፍልሰት መጨመሩ ችግሩን ውስብስብ አድርጎታል።

ኑሯቸውን በጎዳና ያደረጉ ታዳጊዎችን እና ወጣቶችን ለመርዳት ገፋ ሲልም በዘላቂነት ለማቋቋም ግለሰቦች እና የግብረ ሰናይ ተቋማት የተለያዩ ጥረቶች ያደርጋሉ። ከእነዚህ መካከል አንዱ ልዩነህ ታምራት ነው። ልዩነህ ታምራት ተወልዶ ያደገው በሐዋሳ ከተማ ቢሆንም ኑሮውን በአዲስ አበባ ካደረገ ዓመታት ተቆጥረዋል። ረዥም ጊዜውን በበጎ ፈቃድ ሥራዎች ላይ ያሳልፍ እንጂ በሐዋሳ ዩኒቨርሲቲ አካውንቲንግ እና ፋይናንስ አጥንቷል። በበጎ ፈቃድ ሥራ ላይ የተሰማራው ታምራት የዛሬ የወጣቶች መድረክ እንግዳችን ነው። 

ሙሉ መሰናዶውን የድምፅ ማዕቀፉን ይጫኑ

እሸቴ በቀለ
አዜብ ታደሰ
 

Audios and videos on the topic