ከረዥም ጊዜ በኋላ የተደረገው የእግር ኳስ ግጥሚያ | ኢትዮጵያ | DW | 12.01.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ከረዥም ጊዜ በኋላ የተደረገው የእግር ኳስ ግጥሚያ

ዛሬ በባህር ዳር ከተማ ከፍተኛ የፀጥታ ጥበቃ የተደረገበት የእግር ኳስ ግጥሚያ በደደቢት እና በባህር ዳር እግር ኳስ ቡድን መካከል ተካሂዷል። ይህንን ጨዋታ ለየት የሚያደርገው ከረዥም ጊዜ በኋላ በመካሄዱ ነው። እንደሚታወቀው በሁለቱ ክልሎች የሚገኙት የእግር ኳስ ክለቦች ደጋፊዎች መካከል ተፈጥረው በቆዩ አለመግባቶች ግጥሚያዎች ተቋርጠው ነበር።

አውዲዮውን ያዳምጡ። 03:25
አሁን በቀጥታ እየተሰራጨ ያለ
03:25 ደቂቃ

ደደቢት እና ባህር ዳር

በኢትዮጵያ ፕሪምየር ሊግ ውስጥ ከሚጫወቱት የትግራይ ክልል ቡድኖች መካከል ከአመት በኋላ ደደቢት በአማራ ከልል ሜዳ ዛሬ መጫወት ጀመረ፡፡ ስፖረት የፖለቱካ ፍላጎት ማስፈፀሚያ እንዳልሆነ የአማራ ክልል መንግስት አስታውቋል፡፡
እንደሚታወቀው በሁለቱ ክልሎች የሚገኙት የእግር ኳስ ክለቦች ተፈጥረው በቆዩ አለመግባቶች ምክንያት ከአለፈው ህዳር 2010 ዓ.ም ጀምሮ በየሜዳቸው ጨዋታ አድርገው አያውቁም፡፡ በዚህም የሁለቱም እግር ኳስ ክለቦች ብዙ ጥቅሞችን አጥተው ቆይተዋል ሲሉ የአማራ ክልል የኮሙዩኒኬሽን ጉዳዮች ጽ/ቤት ዋና ዳይሬክተር አቶ አሰማኸኝ አስረስ ያስረዳሉ፡፡
የሁለቱም ክልሎች የስፖርት ደጋፊዎች፣ አጠቃላይ ህዝቦችና አመራሩ ባደረጉት ጥረት ቡድኖች አንዱ በሌላው ሜዳ እንዲጫዎት ስምምነት ላይ በመድረሳቸው በቀዳሚው ሳምንት ሁለት የአማራ ክልል የሊግ ቡድኖች በአክሱምና በመቀሌ ከተሞች ስፖርታዊ ጨዋነት በተከተለ መልኩ ጨዋታቸውን አድርገው ተመልሰዋል፡፡


በትግራይ ክልል ከሚገኙ የፕሪምየር ሊግ ቡድኖች መካከል በአማራ ክልል ሜዳ ለመጫወትም ደደቢት የእግር ኳስ ቡደን በቀዳሚነት ባህር ዳር ገብቷል፡፡ 
የጨዋታውን ቅድመ ዝግጅትና የባህር ዳርን ቆየታ በተመለከተ ከደደቢት ተጫዋቾች መካከል -አብርሀም ታምራት ቆይታቸው ጥሩ እንደነበርና ህብረተሰቡ ስፖርትን ከፖለቲካ ሊለየው እንደሚገባ አመልክቷል ።
ስፖርት መዝናኛ እንጂ የፖለቲካ ፍላጎት መገለጫ አይደለም ያሉት አቶ አሰማኸኝ ይህ ተጠናክሮ ሊቀጥል እንደሚገባ ነው የሚናገሩት፡፡ከፍተኛ የፀጥታ ጥበቃ ያልተለየው ይህ ጨዋታ በባህር ዳር 2 ለባዶ አሸናፊነት ተጠታቅቋል፡፡

ዓለምነው መኮንን
ልደት አበበ
 

Audios and videos on the topic

ተዛማጅ ዘገባዎች