ከሞያሌ የተፈናቀሉ እየተመለሱ ነው መባሉ  | ኢትዮጵያ | DW | 30.03.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

ከሞያሌ የተፈናቀሉ እየተመለሱ ነው መባሉ 

ከተፈናቃዮቹ መካከል ዋስትና ክልተሰጠን አንመለስም ያሉም እንዳሉም ተነግሯል። ከዚህ ሌላ እዚያው ኬንያ በርካታ ተፈናቃዮች የፖለቲካ ጥገኝነት እንዲሰጣቸው ሲመዘገቡ መሰንበታቸው ተነግሯል። ከመካከላቸው ወደ ሃገራቸው የተመለሱ አሉም ተብሏል።

አውዲዮውን ያዳምጡ። 04:24

የሞያሌ ተፈናቃዮች

በዚህ ወር መጀመሪያ ላይ ሞያሌ ውስጥ የመከላከያ ሠራዊት የፈፀመውን ጥቃት ሸሽተው ኬንያ የተሰደዱት ኢትዮጵያውያን ወደ ቀያቸው እየተመለሱ መሆኑን የዓይን እማኞች ተናግረዋል። ሌሎችም ዶክተር አብይ አህመድ በጠቅላይ ሚኒስትርነት እንደሚመረጡ ከሰሙ በኋላ ለመመለስ እየተዘጋጁ መሆኑንም ገልፀዋል። ከተፈናቃዮቹ መካከል ዋስትና ክልተሰጠን አንመለስም ያሉም እንዳሉም ተነግሯል። የዓይን ምስክሮቹ ስለስደተኛው መመለስ የሰጡት አስተያየት የተመ የስደተኞች ጉዳይ ድርጅትም ሆነ የኬንያ ቀይ መስቀል ባለሥልጣናት አላረጋገጡም።  ከዚህ ሌላ እዚያው ኬንያ በርካታ ተፈናቃዮች የፖለቲካ ጥገኝነት እንዲሰጣቸው ሲመዘገቡ መሰንበታቸው ተነግሯል። ከመካከላቸው ወደ ሃገራቸው የተመለሱም አሉ መባሉን ቻላቸው ታደሰ ከናይሮቢ ዘግቧል። 
ቻላቸው ታደሰ 
ኂሩት መለሰ
ነጋሽ መሐመድ

Audios and videos on the topic