እንቦጭን ከጣና ለማስወገድ የተሰራው ሥራ ምን አሳካ? | ኢትዮጵያ | DW | 03.06.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

እንቦጭን ከጣና ለማስወገድ የተሰራው ሥራ ምን አሳካ?

ጣናን በቅርብ የሚከታተሉት ዶክተር ሽመልስ አይናለም እንደሚሉት በእንቦጭ መስፋፋት ምክንያት በሐይቁ ዙሪያ የነበረው የግጦሽ መሬት ጠፍቷል፤ ወቅት ጠብቀው ከሌሎች ዓለማት ወደ ጣና ይበሩ የነበሩ ከ120 በላይ አዕዋፋት ቁጥራቸው ተመናምኗል። ይባስብሎ ኢትዮጵያ ከሱዳን እና ግብፅ የምትነታረክበትን ታላቁ የኅዳሴ ግድብ ሊያሰጋ እንደሚችል ያስጠነቅቃሉ

አውዲዮውን ያዳምጡ። 06:20

እንቦጭ እና ጣና

እንቦጭን ከጣና ላይ ለማስወገድ የሚደረገው ጥረት አንዴ ሞቅ ሌላ ጊዜ ቀዝቀዝ እያለ ሁለት አመታት ገደማ አስቆጠረ። የአካባቢው ገበሬዎች እና የአካባቢ ጥበቃ ተቆርቋሪዎች እንደሚሉት እንቦጭ በሐይቁ የበለጠ እየሰፋ ሥጋት ሆኗል።

ጣናን በቅርብ የሚከታተሉት ዶክተር ሽመልስ አይናለም እንደሚሉት በእንቦጭ መስፋፋት ምክንያት በሐይቁ ዙሪያ የነበረው የግጦሽ መሬት ጠፍቷል፤ ወቅት ጠብቀው ከሌሎች ዓለማት ወደ ጣና ይበሩ የነበሩ ከ120 በላይ አዕዋፋት ቁጥራቸው ተመናምኗል።

የዓለም የአካባቢ ቀን ዛሬ ታስቦ ውሏል። በዚህ ቀን መነጋገሪያ ከሆኑ ጉዳዮች የጣና ሐይቅ  እጣ ፈንታ ነው። የእንቦጭ አረምን ከሐይቁ ለማስወገድ የተሰራው ሥራ ምን አሳካ? ጉዳዩን በቅርበት የሚከታተሉት ዶክተር ሽመልስ አይናለም የታዘቡትን ለዶይቼ ቩለ አስረድተዋል። ዶክተር ሽመልስ በባሕር ዳር ዩኒቨርሲቲ በግብርና እና  አካባቢ ሳይንስ ኮሌጅ መምህር እና በብሉ ናይል የውኃ ኢንስቲትዩት ተመራማሪ ናቸው።

ቃለ ምልልሱን ለማድመጥ የድምፅ ማዕቀፉን ይጫኑ

እሸቴ በቀለ

ታምራት ዲንሳ

Audios and videos on the topic