እስራኤል ለስደተኞች የሰጠችው የማስጠንቀቂያ ደብዳቤ | ዓለም | DW | 06.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ዓለም

እስራኤል ለስደተኞች የሰጠችው የማስጠንቀቂያ ደብዳቤ

እስራኤል በሀገሯ የሚገኙ አፍሪካውያን ስደተኞች በ60 ቀናት እስራኤልን ለቅቀው እንዲወጡ የሚያሳስብ ደብዳቤ ባለፈው እሁድ ማደል ጀምራለች፡፡ ስደተኞቹ በሁለት ወራት ውስጥ ከእስራኤል ካልወጡ እስራት እንደሚጠብቃቸውም አስጠንቅቃለች፡፡ 

አውዲዮውን ያዳምጡ። 04:45

አብዛኞቹ ስደተኞች እስራኤልን መልቀቅ አይፈልጉም

በብዛት ኤርትራውያን እና ሱዳንውያን የሆኑት ስደተኞች ወደ ሀገራቸው ከመመለስ ይልቅ እስርን እንደሚመርጡ ይናገራሉ፡፡ ለዚህም የሚያቀርቡት ምክንያት ሀገራቸውን በፖለቲካ ምክንያት ለቅቀው መውጣታቸውን ነው፡፡ እስራኤልን ግን ስደተኞቹ ስራ ፈላጊዎች እንጂ ተገን ጠያቂዎች አይደሉም ስትል ትከራከራለች፡፡ ሀገሪቱ ወደ 40 ሺህ የሚጠጋውን ስደተኛ የማስተናገድ አቅም የላትም ሲሉ የእስራኤል ባለስልጣናት ሲገልጹ ይደመጣል፡፡ ጉዳዩን በቅርበት የሚከታተሉት ግን ሀገሪቱ ስደተኞቹን ለማስጠለል ያጣቸው “አቅም ሳይሆን የፖለቲካ ፍላጎት ነው” ይላሉ፡፡ 

ስደተኞችን ከሀገር የማስወጣቱ አወዛጋቢው የእስራኤል እቅድ በሀገሪቱ የመብት ተሟጋቾች ዘንድ ተቃውሞ እንደገጠመው ዘገባዎች ጠቁመዋል፡፡ የተወሰኑ ቡድኖች እንደውም ስደተኞችን በቤታቸው ለማስጠጋት ሁሉ ፍቃደኝነታቸውን በይፋ አሳውቀዋል፡፡ ይህም በእስራኤል ውስጥ መከፋፈል መፍጠሩ እየተነገረ ነው፡፡ እንዲህ አይነቱ ግፊት “የእስራኤል መንግስት የያዘውን አቋም ያስቀይር ይሆን?” ለሚለው ጥያቄ ግን የሀገሪቱ ነዋሪዎች እና ጉዳዩን በቅርብ የሚከታተሉ ወገኖች አሉታዊ ምላሽ ይሰጣሉ፡፡

የእስራኤልን እርምጃ እና የስደተኞቹን ምላሽ አስመልክቶ ከኢየሩሌሙ ዘጋቢያችን ዜናነህ መኮንን ጋር ቃለ ምልልስ አድርገናል፡፡ ሙሉ ቃለ ምልልሱን ለማድመጥ የድምጽ ማዕቀፉን ይጫኑ፡፡    

ዜናነህ መኮንን

ተስፋለም ወልደየስ

ሂሩት መለሰ 

Audios and videos on the topic