እሥራኤልና ጋዛ፣ | ዓለም | DW | 02.01.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

እሥራኤልና ጋዛ፣

የየመን ፕሬዚዳንት አሊ አብደላ ሳሌህ፣ ለፍልስጤማውያን ሰፊ የገንዘብ መዋጮ ዘመቻ እንዲካሄድ ማዘዛቸው ተገለጠ። ሳሌህ፣ በግብፅ በኩል መደኃኒትና ምግብ እንዲላክ ም አሳስበዋል።

default

የእሥራኤል አየር ኃይል በጋዛ ያደረሰው ጥቃት፣

የኢራን ውጭ ጉዳይ ሚንስትር ማኑቸር ሞታኪ፣ እሥራኤል ጋዛና ስትደበድብ ፣ ዓለም አቀፉ ማኅበረሰብ ምንም አላደረገም በማለት በጥባቅ ነቀፉ። የዮርዳኖስ ንጉሥ አብደላና ፍልስጤማዊቷ ባልተቤታቸው ንግሥት ራኒያ፣ በዚህ ሳምንት ከፍልስጤማውያን ጎን መቆማቸውን ለማሳየት ሁለቱም ደም ሰጥተዋል። በመዲናይቱ፣ በአማን 5 ሺ የሚሆኑ ፍልስጤማውያንና ዮርዳኖሳውያን ሰላማዊ ሰልፍ ካሳዩ በኋላ የሙስሊም ወንድማማች ማኅበር የተሰኘው ቡድን ባሳሰበው መሠረት ጂሃድ(ቅዱስ ጦርነት) እንዲካሄድ ሲሉ መጠየቃጨው ተገልጿል። በኢስታንቡል፣ ቱርክ፣ 5 ሺ ያህል ሰዎች አደባባይ ወጥተው እሥራኤልን አውግዘዋል። ከአሥራኤል በኩል፣ ዘጋቢአችን፣ ዜናነህ መኮንን Jerusalem Post የተባለውን የእሥራኤል ጋዜጣ በመጥቀስ ከኢራን ፣ በየመንና ኤርትራ በኩል ቻይና -ሠራሽ ጦር መሣሪያ ጋዛ ገብቷል ሲል ጠቅሷል። የዜናነህ ዝርዝር ዘገባ ቀጥሎ ይቀርባል።