ኢትዮጵያ እና አነጋጋሪው የወደብ ፍለጋዋ | ኢትዮጵያ | DW | 13.05.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

ኢትዮጵያ እና አነጋጋሪው የወደብ ፍለጋዋ

ለበርካታ ዓመታት በአመዛኙ የጅቡቲ ወደብ ተጠቃሚ ሆና የቆየችው ኢትዮጵያ የባለቤትነት ድርሻ የሚያሰጡ የወደብ ልማቶችን በጎረቤት ሀገራት ለማካሄድ ወደ ሚያስችል ደረጃ መሸጋገርዋ እያነጋገረ ነው።

አውዲዮውን ያዳምጡ። 30:56

የኢትዮጵያ የወደብ ፍለጋ

ኤርትራ ከኢትዮጵያ ተገንጥላ ነጻ መንግሥት ከመሠረተች ወዲህ ወደብ አልባ የሆነችው ኢትዮጵያ በአመዛኙ የጅቡቲ ወደብ ተጠቃሚ ናት። ኢትዮጵያ ከ90 በመቶ በላይ የወጪ ንግዷን የምታስተናግደው በጂቡቲ ወደቦች በኩል ነው።  ከቅርብ ዓመታት ወዲህ ደግሞ የጅቡቲን ጨምሮ የሌሎች ጎረቤት አገራት ወደቦችን ከከዚህ ቀደሙ በተለየ መንገድ  መጠቀም የሚያስችላት ጥረቶችን ጎን ለጎን እያካሄደች ነው። ከወራት በፊት ኢትዮጵያ ዓለም አቀፍ እውቅና ያልተሰጣትን የሶማሌላንድን የበርበራ ወደብ በማልማት የባለቤትነት ባለድርሻ የሚያደርጋት አነጋጋሪ ስምምነት ከተባበሩት አረብ ኤምሬቶች ጋር ተፈራርማለች። በሰሞኑ የአዲሱ የኢትዮጵያ ጠቅላይ ሚኒስትር የጎረቤት አገራት ጉብኝት ወቅትም የወደብ ጉዳይ ትኩረት ከተሰጣቸው ውስጥ አንዱ ነበር። አዲሱ ጠቅላይ ሚኒስትር በጎበኙዋቸው በጅቡቲ በሱዳን እና በኬንያ ኢትዮጵያ በሀገራቱ ወደቦችን አብሮ ለማልማት የሚያስችሉ መግባባት እና ስምምነቶች ላይ መድረሷ ተነግሯል። ለበርካታ ዓመታት በአመዛኙ የጅቡቲ ወደብ ተጠቃሚ ሆና የቆየችው ኢትዮጵያ  የባለቤትነት ድርሻ የሚያሰጡ የወደብ ልማቶችን በጎረቤት ሀገራት ለማካሄድ ወደ ሚያስችል ደረጃ ማምራቷ ወይም መሸጋገርዋ እያነጋገረ ነው። ኢትዮጵያ እና አነጋጋሪው የወደብ ፍለጋዋ የዛሬው እንወያይ ርዕስ ነው። በዚህ ርዕስ ላይ የሚወያዩት ፕሮፌሰር ተሾመ አበበ በአሜሪካን ኢሊኖይስ ዩኒቨርስቲ የኤኮኖሚክስ መምህር ፣ አቶ ጌታቸው ተክለ ማርያም የኢንቬስትመንት አማካሪ እና የኤኮኖሚ ምሁር እንዲሁም አቶ ቻላቸው ታደሰ የፖለቲካ ተንታኝ ናቸው።

ሙሉውን ውይይት የድምጽ ማዕቀፉን በመጫን ማዳመጥ ይችላሉ።

ኂሩት መለሰ

ማንተጋፍቶት ስለሺ

Audios and videos on the topic