ኢትዮጵያ ለሕገ-ወጥ የገንዘብ ዝውውር ከተጋለጡ ጎራ ተመደበች | አውሮጳ/ጀርመን | DW | 14.02.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አውሮጳ/ጀርመን

ኢትዮጵያ ለሕገ-ወጥ የገንዘብ ዝውውር ከተጋለጡ ጎራ ተመደበች

ኢትዮጵያ ለሕገ-ወጥ የገንዘብ ዝውውር ከተጋለጡ አገራት መካከል እንደምትገኝበት የአውሮጳ ኮሚሽን አስታወቀ። ኮሚሽኑ ሽብርተኞች እና ወንጀለኞች ሊጠቀሙባቸው ይቻላሉ ያላቸውን 23 አገራት በትናንትናው ዕለት ይፋ አድርጓል። ከአፍሪካ ኢትዮጵያን ጨምሮ ቦትስዋና፣ ጋና፣ ሊቢያ፣ ናይጄሪያ እና ቱኒዝያ ከ23ቱ አገራት መካከል ይገኙበታል።

አውዲዮውን ያዳምጡ። 04:53

23 አገሮች ሽብርተኞች እና ወንጀለኞች ሊጠቀሙባቸው ይችላሉ ተብሏል

ኢትዮጵያ ለሕገ-ወጥ የገንዘብ ዝውውር ከተጋለጡ አገራት መካከል እንደምትገኝበት የአውሮጳ ኮሚሽን አስታወቀ። ኮሚሽኑ ሽብርተኞች እና ወንጀለኞች ሊጠቀሙባቸው ይቻላሉ ያላቸውን 23 አገራት በትናንትናው ዕለት ይፋ አድርጓል። ከአፍሪካ ኢትዮጵያን ጨምሮ ቦትስዋና፣ ጋና፣ ሊቢያ፣ ናይጄሪያ እና ቱኒዝያ ከ23ቱ አገራት መካከል ይገኙበታል። ኢትዮጵያ ከዝርዝሩ የገባችው የባንኮች እና የገንዘብ አሰራራቸው ጉድለት ካለባቸው አገራት አንዷ በመሆኗ ነው። የመን፣ አፍጋኒስታን፣ ኢራን እና ኢራቅም ተመሳሳይ ችግር አለባቸው ተብሏል። 
ኮሚሽኑ የእያንዳንዱን አገር የገንዘብ እና የባንክ አሰራር ያሉበትን ችግሮች፤ ሕጋዊ አሰራሮች እና ሕጋዊ ያልሆነ የገንዘብ ዝውውርን ለመግታት የተዘጋጁ አሰራሮች መመርመሩን አስታውቋል። 
ኢትዮጵያን ጨምሮ ችግር አለባቸው የተባሉት 23 አገሮች ሕገ-ወጥ የገንዘብ ዝውውር እና ሽብርን በገንዘብ ለመደገፍ የሚደረግ ጥረትን በመከላከል ረገድ ቁልፍ ችግሮች እንዳለባቸው የአውሮጳ ኮሚሽን አስታውቋል።
ገበያው ንጉሴ 
ነጋሽ መሐመድ 

Audios and videos on the topic