አፍሪቃና የምግብ ዋስትና ጉባዔ በዩጋንዳ | የጋዜጦች አምድ | DW | 31.03.2004
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

የጋዜጦች አምድ

አፍሪቃና የምግብ ዋስትና ጉባዔ በዩጋንዳ

አፍሪቃን እአአ 2020 ዓም ድረስ በምግቡ ዋስትና ራስ አገዝ ማድረግ ስለሚቻልበት ሁኔታ ለመምከር ከሀምሳ የዓለም ሀገሮች የተውጣጡ ወደ አምስት መቶ የሚጠጉ ልዑካን በነገው ዕለት በዩጋንዳ መዲና ካምፓላ የሦስት ቀናት ዓቢይ ጉባዔ ይከፍታሉ።

የዩጋንዳ ፕሬዚደንት ዮዌሪ ሙሴቬኒ

የዩጋንዳ ፕሬዚደንት ዮዌሪ ሙሴቬኒ

መንበሩ ዋሽንግተን ዩኤስ አሜሪካ የሚገኘው ዓለም አቀፉ የምግብ ፖሊሲ ተመራማሪ ተቋምና የዩጋንዳ መንግሥት በጋራ ያዘጋጁት ጉባዔ በግምት ሁለት መቶ ሚልዮን ሕዝብ ባልተመጣጠነ አመጋገብ የሚሰቃይባትን አፍሪቃ የምግብ ምርት ማሳደግ የሚቻልበትን ዘዴ ያፈላልጋል። ሠላሣ አፍሪቃውያት ሀገሮች በሚወከሉበት ዓቢይ ጉባዔ ላይ የዩጋንዳ ፕሬዚደንት ዮዌሪ ሙሴቬኒና የሴኔጋል አቻቸው አብዱላዬ ዋድና የሥነ ጽሑፍ የኖቤል ተሸላሚ ናይጀሪያዊው ደራሲ ዎሌ ሾይንካ ዲስኩር ያሰማሉ። የአህጉሩን የምግብ ዋስትና ለማሻሻል አሁኑኑ አንድ ርምጃ ካልተወሰደ ባልተመጣጠነ አመጋገብ የሚጎዱት አፍሪቃውያን ሕፃናት አሀዝ በሚቀጥሉት ሀያ ዓመታት ውስጥ እንደሚጨምር ከሀያ ዘጠኝ ዓመት በፊት የተቋቋመው ዓለም አቀፉ የምግብ ፖሊሲ ተመራማሪ ተቋም አስጠንቅቋል።