አዲስ አበባ ውስጥ የትራንስፎርመሮች መሠረቅ | ኢትዮጵያ | DW | 11.07.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

አዲስ አበባ ውስጥ የትራንስፎርመሮች መሠረቅ

በአዲስ አበባ በተለያየ ጊዜ እና ቦታ በአንድ ወር ውስጥ 7 የኤሌክትሪክ ትራንስፎርመሮች መሰረቃቸውን የከተማው ኤሌክትሪክ አገልግሎት ለ ዶይቼ ቬለ «DW» አረጋገጠ። ከተሰረቁት ትራንስፎርመሮች መካከል አምስቱ እስካሁን የደረሱበት አለመታወቁን እና ወንጀለኞችም አለመያዛቸውንም በአገልግሎቱ የኮሙኑኬሽን ሥራ አስኪያጁ አቶ በቀለ ክፍሌ ተናግዋል።

አውዲዮውን ያዳምጡ። 03:57

ትራንስፎርመሮቹ የተሰረቁት ከሦስት የተለያዩ ሰፈሮች ነዉ

በአዲስ አበባ በተለያየ ጊዜ እና ቦታ በአንድ ወር ውስጥ 7 የኤሌክትሪክ ትራንስፎርመሮች መሰረቃቸውን የከተማው ኤሌክትሪክ አገልግሎት ለ ዶይቼ ቬለ «DW» አረጋገጠ። ዕቃዎቹ በሦስት የተለያዩ አካባቢዎች የተዘረፉ ሲሆን ከዚህም መካከል ከባድ የዕቃ መጫኛና ማውረጃ ተሽከርካሪ ተጠቅመው አገልግሎት ይሰጥ የነበረን ትራንስፎርመር ሲያወርዱ እጅ ከፈንጅ የተያዙ ይገኙበታል። ከተሰረቁት ትራንስፎርመሮች መካከል አምስቱ እስካሁን የደረሱበት አለመታወቁን እና ወንጀለኞችም አለመያዛቸውንም በአገልግሎቱ የኮሙኑኬሽን ሥራ አስኪያጁ አቶ በቀለ ክፍሌ ተናግዋል። በመሥሪያ ቤቱ የኤሌትሬክ ገመድ ቆረጣ እና ስርቆት እንጅ እንዲህ ያለው ድርጊት አጋጥሟቸው እንደማያውቅ ጠቅሰው ፣ ክስተቱ ግን በተጠናና የዕቃውን ሁኔታና ጥቅም ብሎም ውስጡን በሚያውቅ አካል ሳይፈጸም እንዳልቀረ ግምታቸውን ተናግረዋል። በተቋሙ በርካታ ቁጥር ያላቸው ትራንስፎርመሮች በብልሽት ተቀምጠው እንደሚገኙም ተናግረዋል።


ሰለሞን ሙጬ


አዜብ ታደሰ
ሸዋዬ ለገሠ
 

Audios and videos on the topic