አዲሱ የኢትዮጵያ እና የኤርትራ ግንኙነት | ኢትዮጵያ | DW | 09.07.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

አዲሱ የኢትዮጵያ እና የኤርትራ ግንኙነት

የኢትዮጵያ ጠቅላይ ሚኒስትር ዶክተር ዐብይ የሁለት ቀናት የኤርትራ ጉብኝታቸዉን  አጠናቀው ዛሬ ወደ አገራቸዉ ተመልሰዋል። የኤርትራዉ ፕሬዝዳንት አቶ ኢሳያስ አፈወርቂና ጠቅላይ ሚኒስትር ዶክተር ዐብይ ዛሬ አስመራ ውስጥ የተለያዩ ስምምነቶችን ፈርመዋል።

አውዲዮውን ያዳምጡ። 04:10
አሁን በቀጥታ እየተሰራጨ ያለ
04:10 ደቂቃ

አዲሱ የኢትዮ ኤርትራ ግንኙነት

ጠቅላይ ሚኒስትር ዶክተር ዐብይ በኤርትራ ቆይታቸዉ ከኤርትራ ፕሬዝዳንት አቶ እሳያስ አፈወርቂ ጋር በሁለቱ አገራት ፖለትካዊ፤ እኮኖሚያዊና የሰለም ጉዳዮች ላይ ከተወያዩ በኋላ ፤ ስምምነት ተፈራርመዋል። ለሁለት አስርተ-አመታት ቋርጦ የነበረ የኢትዮጵያና የኤርትራ ዓለም አቀፍ የስልክ መስመር በትላንትናዉ ዕለት ስራ መጀመሩን የጠቅላይ ሚኒስትር ዶክተር ዐብይ ጽህፈት ቤት ሃላፊ አቶ ፍፁም አረጋ በትዊተር ገፃቸዉ ላይ አስፍረዉ ነበር። ለዓመታት ተቋርጦ የነበረዉ የአየር በረራ እንደሚጀምር ፤ ኢትዮጵያ የኤርትራን ወደብ መጠቀም እንደምትጀምርና ሁለቱም ሀገራት ዲፕሎማሲያዊ ግንኙነታቸውን እንደሚያድሱ አቶ ፍፁም ጠቅሰዋል። የሰብዓዊ መብት አቀንቃኝና የፖለትካ ተንታኝ አቶ ገረሱ ቱፋ በቅርቡ ወደ ኤርትራ በመጓዝ የታዘቡትን እንዲህ አብራርተዋል።

ጠቅላይ ሚኒስትር ዐብይ እና ፕሬዝዳንት ኢሳያስ አፈወርቂ በዛሬዉ እለት በሁለቱ አገራት መካከል ሰላም ለማስፈንና ግንኙነቶችን ለማደስ በአምስት ጉዳዮች ላይ ስምምነቶችን መፈራረማቸዉንም የሁለቱም አገራት ባለስልጣናት ያዋጡት መረጃ ያስረዳል። በሁለቱ ሀገራት መካከል የነበረውን የጦርነት ስጋት ለማቆም፤ ፖለቲካዊ፣ኢኮኖሚያዊ፣ ማህበራዊ፣ ባህላዊ እና የደህንነት ትብብር ለማጠናከር፤ ንግድ፣ ኢኮኖሚያዊ እና ዲፕሎማሲያዊ ግንኙነቶችን ለማስቀጠል፤ የድንበር ጉዳይ ውሳኔን ለመትግበርና በአፍሪቃ ቀንድ ሰላም ላይ አብሮ ለመስራት ስምምነት መፈራረማቸዉን አቶ ፊፁም አረጋ እንዲሁም የኤርትራ የኢንፎርሜሽን ሚኒስቴር አቶ የማነ ገብረ መስቀል በትዊተር ገፃቸዉ ላይ ይፋ አድርገዋል።

የድንበር ማካከል  ዉሳኔ መተግበር የሚለዉ በመሪዎቹና በሕዝቡ መካከል በሚካሄድ ዉይይት መፈታት እንዳለበት በመቀሌ ዩኒቬርስት የፖለቲካ ሳይንስና ዓለም አቀፍ ግንኙነቶች መምህር  አቶ መሃሪ ዮሐንስ ለዶይቼ ቬሌ ተናግረዋል። መሪዎቹም ሆኑ ሕዝቡ ማድረግ አለበቸው ያሉትንም አቶ መሃሪ ተናግረዋል።

በቅርቡ ኤርትራ የነበሩት አቶ ገረሱ ፣የኤርትራ ባለሥልጣናትም ሆነ ህዝቡ የዶክተር ዐብይ ወደ ሥልጣን መምጣት ለኢትዮጵያ ብቻ ሳይሆን ለኤርትራም ተስፋ ሰጭ ነው የሚሉ  አስተያየቶችን ይሰሙ እንደነበር ገልጸዋል።

አቶ መሀሪ በበኩላቸዉ የኢትዮጵያና የኤርትራ ግጭት የአገር ወይም የሕዝብ ግጭት ሳይሆን ይልቁንም በህወሓትና በኤርትራ ህዝብ ነፃ አዉጭ ግንባር መካከል የተፈጠረ ግጭት መሆኑን ይናገራሉ።

ኢትዮጵያና ኤርትራ ከ1990 ጀምሮ ለሁለት ዓመታት ባካሄዱት ጦርነት 100 ሺህ የሚገመት ሰዎች ህይወት መጥፋቱን ዘገባዎች ያመለክታሉ። ጦርነቱን ያበቃዉ የሰላም ስምምነት ለ18 ዓመት ሳይፈፀም ቆይተዋል።

መርጋ ዮናስ

ሂሩት መለሰ
 

Audios and videos on the topic