ቢራና ቦርጭ፣ | ሳይንስ እና ኅብረተሰብ | DW | 05.03.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ሳይንስ እና ኅብረተሰብ

ቢራና ቦርጭ፣

በዓለም ዙሪያ በሃይማኖትና በባህል ሳቢያ ቢራና ሌሎችም የአልኮል መጠጦች ከማይቀመሱባቸው ጥቂት አገሮች በስተቀር ፤ በአብዛኞቹ ፣ እንበል ፣ እዚህ ላይ በተለይ ቢራ፣ በቤት ፣ በባህላዊ ዘዴ ከሚጠመቀው አንስቶ ፣ በዘመናዊ ፋብሪካዎች፣ በገፍ ነው

default

የሚመረተው ፣ የሚጠጣውም የዚያኑ ያክል ነው። ለምሳሌ ያህል፤ ጣቢያችንና እኛም የምንገኝባትን ሀገር ጀርመንን እንውሰድ ፤--- ግንባር ቀደምት ከሆኑት ቢራ ጠማቂ ሃገራት አንዷ ናት ። በተለይ በራይን ወንዝ ዳርቻ በሚገኙ ታላላቅ ከተሞች፤ በይበልጥ በካርኒቫል የፈንጠዝያ ሳምንት ፣ በኮሎኝ ፤ ዱሰልዶርፍ፤ ማይንትዝና ፣ ሌሎች ሥፍር ቁጥር በሌላቸው ንዑሳን ከተሞች፤ በሙዩኒክ ፣ ደግሞ ፣ በያመቱ ፣ በመስከረም ወር አንድ ወር ያህል ቢራ በገፍ የሚጠጣበት የደቡብ ጀርመኑ Oktoberfest የተሰኘው ወቅትም ሌላው፣ ቢራ በጀርመን ያለውን ተወዳጅነት የሚያሳይ ክብረ በዓል ነው። በዓል ሲኖር መጠኑ ከመጨመሩ በስተቀር ፤ ጀርመን ውስጥ ቢራ በማንኛውም ጊዜ ፤ በቤትና በመሸታ ቤቶች የሚዘወተር መጠጥ መሆኑ እሙን ነው። በሀገሪቱ በመላ ፣ ከ 5,000 በላይ የተለያየ የቢራ ዓይነት መኖሩም የታወቀ ሲሆን፣ እያንዳንዱ ጀርመን ፣ በያመቱ ፣ በነፍስ ወከፍ ከ 115,5 ሊትር የማያንስ ቢራ ይጠጣል። ከአውሮፓ ጀርመን 3ኛ ናት፤ በነፍስ ወከፍ የቢራ ፍጆታን ካሰላን ፣ በአውሮፓ ቀዳሚውን ቦታ የሚይዙት ቼኮች ናቸው። በነፍስ ወከፍ በያመቱ 157 ሊትር ቢራ ነው በዚያች ሀገር የሚጠጣው። አየርላንድ በ 131,1 ሊትር 2ኛ፤ ናት ። ከአፍሪቃ ፣ ደቡብ አፍሪቃ በአንደኛነት፤ ከዓለም ደግሞ 29 በመሆን ፣ ህዝቧ በነፍስ ወከፍ በዓመት 63 ሊትር ቢራ ይጠጣል።

ከደቡብ አፍሪቃ ቀጥሎ በአፍሪቃው ክፍለ ዓለም ውስጥ ማለት ነው፤ አንጎላ፣ ናሚቢያ ፣ ኬንያ ፣ ታንዛንያና ዩጋንዳ ብዙ ቢራ በመጠጣት መጀመሪያ ረድፍ ላይ ይገኛሉ። ዩጋንዳ ከዓለም 47ኛ ከአፍሪቃ 6ኛ ስትሆን ፣ በዚያች ሀገር በዓመት በነፍስ ወከፍ 6 ሊትር ቢራ ነው የሚጠጣው። በኢትዮጵያ ከዚያ በታች ነው ፤ በዓመት በነፍስ ወከፍ 4 ሊትር ቢራ!

ቢራ በብዛት የሚጠጡ ሰዎች ፣ በተለይ ወንዶች የሆድ ዕቃ ውፍረት ይታይባቸዋል!ቦርጭ !

ጀርመናውያን ፣ «ቢር ባውኽ» እንግሊዞች «ቢር ቤሊ» የሚሉት መሆኑ ነው። ቢራ ለምን ቦርጫም ያደርጋል ? ለምን በሴቶች ላይ ይህ ያን ያህል አይታይም? ባለሙያ አነጋግረናል። እርሳቸውም፤ የምግብ ይዘት ምርምር ነክ ሳይንስ ባለሙያ ወይም የሥነ ምግብ ባለሙያ አቶ አብነት ተክሌ ናቸው።

ተክሌ የኋላ

ኂሩት መለሰ

Audios and videos on the topic