በፈረንሳይ የስደተኞች የምግብ ዝግጅት ፌስቲቫል | አውሮጳ/ጀርመን | DW | 20.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አውሮጳ/ጀርመን

በፈረንሳይ የስደተኞች የምግብ ዝግጅት ፌስቲቫል

የዓለም የስደተኞች ቀን በሚከበርበት በዛሬው ዕለት በፈረንሳይ የስደተኞች የምግብ ዝግጅት ፌስቲቫል እየተካሄደ ይገኛል። ፓሪስን ጨምሮ በፈረንሳይ የተለያዩ ከተሞች እየተካሄደ ባለው ይሄው ዝግጅት ስለ ስደተኞች ያለውን የተሳሳተ አመላከት ለማስቀረት እና ምግብን እንደመግባቢያ ቋንቋ የመጠቀም ዓላማ አለው።

አውዲዮውን ያዳምጡ። 03:51

በፈረንሳይ የስደተኞች የምግብ ዝግጅት ፌስቲቫል

"ፉድ ስዊት ፉድ" የተሰኘ መንግስታዊ ያልሆነው ድርጅት የስደተኞችን የምግብ ዝግጅት ፌስቲቫል በፈረንሳይ የጀመረው በጎርጎሮሳውያኑ 2016 ዓ ም ነበር። ዓላማው ደግሞ ምግብን እንደ ማህበራዊ እና ሙያዊ ውህደት ማስገኚያ መንገድ አድርጎ መጠቀም ነበር።

ፌስቲቫሉ የሚካሄደው በጎ ፍቃደኛ በሆኑ ምግብ ቤቶች የምግብ ማብሰያ ክፍል ውስጥ ስደተኛ የምግብ አብሳይ ባለሙያዎችን ከፈረንሳይ አቻዎቻቸው ጋራ ምግብ እንዲሰሩ በማድረግ ነው። ይህም ሙያዊ ውህደት እንዲፈጠር ባሻገር የሀገሩ ዜጎች በስደተኞች ላይ ባላቸው ግንዛቤ ላይ አዎንታዊ ለውጥ እንዲመጣ እገዛ ለማድረግ በማሰብ እንደሆነ ፌስቲቫሉ አዘጋጆች ይናገራሉ።

ዘንድሮ ለአራተኛ ጊዜ በፈረንሳይ የተካሄደው የስደተኞች የምግብ ፌስቲቫል ዝግጅት ፓሪስን ጨምሮ በቦርዶ እና በሊል በመሳሰሉ የፈረንሳይ ከተሞች ተከናውኗል። በፌስቲቫሉ ከተሳተፉ ስደተኛ የምግብ አብሳዮች ውስጥ የኢትዮጵያ፣ ሶሪያ፣ ኢራቅ እና አርሜንያ ባለሙያዎች ይገኙበታል። 

ሙሉ ዘገባውን ለማድመጥ የድምጽ ማዕቀፉን ይጫኑ።  

ሃይማኖት ጥሩነህ 

ተስፋለም ወልደየስ 

እሸቴ በቀለ 

Audios and videos on the topic

ተዛማጅ ዘገባዎች