በኤርትራ የሰብዓዊ መብት ላይ የመከረ አውደ ርዕይ | አፍሪቃ | DW | 22.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አፍሪቃ

በኤርትራ የሰብዓዊ መብት ላይ የመከረ አውደ ርዕይ

በፍራንክፈርቱ አዉደ ርዕይ የተለያዩ ዓለማቀፍ ሽልማቶች ተሸላሚና ከ 18 ዓመታት በላይ በእስር የሚማቅቀው አንጋፋው ጋዜጠኛ እና ደራሲ ዳዊት ይስሃቅ ልጅ ቤተልሄም ዳዊትን ጨምሮ በኤርትራ የእስር ሰቆቃ ሰለባ የነበሩ ደራሲያንና ጋዜጠኞች በአገሪቱ የተንሰራፋውን የመብት አፈናና ጭቆና ለታዳምያኑ አስረድተዋል።

 

የኤርትራ መንግስት ለበርካታ ዓመታት ያለ ፍርድ ቤት ውሳኔ በወታደራዊ እስር ቤቶች አስሮ የሚያሰቃያቸውን ጋዜጠኞች በአስቸኳይ እንዲፈታና በአገሪቱ የዜጎችን ሰብአዊ መብት እንዲያከብር ተጠየቀ። በፍራንክፈርት ከተማ በሚገኘው ትልቁ የኤግዚቪሽን ማዕከል በተዘጋጀው እና ከ300 ሺህ በላይ የተለያዩ አገራት ጎብኚዎች በታደሙበት 71ኛው የመጻሕፍት እና የሕትመት ውጤቶች ልዩ ዓወደ ርዕይ በጨቋኝ መንግሥታት እስር እና እንግልት ለሚፈጸምባቸው ደራሲያን ጋዜጠኞች ጦማሪያን እና ሃያሲያን መብት የሚታገለው ዓለማቀፉ የፕሬስ ተሟጋች ድርጅት ፔን

የጀርመን ኦስትሪያ እና ኤርትራ አመራሮች የሰብዓዊ መብት ተከራካሪዎች እንዲሁም የስዊድኑ ድንበር የለሽ የጋዜጠኞች መብት ተሟጋች የቦርድ ተጠሪዎች በኤርትራ የሰብአዊ መብት አጠባበቅ ዙሪያ ባካሄዱት ውይይት እስር እና አፈናው አሁንም ተጠናክሮ መቀጠሉን አውስተዋል።

በውይይቱ ላይ የተለያዩ ዓለማቀፍ ሽልማቶች ተሸላሚ  እና ከ 18 ዓመታት በላይ በእስር የሚማቅቀው አንጋፋው ጋዜጠኛ እና ደራሲ ዳዊት ይስሃቅ ልጅ ቤተልሄም ዳዊትን ጨምሮ በኤርትራ የእስር ሰቆቃ ሰለባ የነበሩ ደራሲያን እና ጋዜጠኞች በአገሪቱ የተንሰራፋውን የመብት አፈና እና ጭቆና ለታዳምያኑ አስረድተዋል።

ዓለማቀፉ የፔን ድርጅት ተጠሪዎች እና የሰብአዊ መብት ተሟጋቾችም በተባበሩት መንግስታት እና በአውሮጳ ሕብረት የስብሰባ መድረኮች ድምጻቸውን በማሰማት መንግስታት እና ዓለማቀፉ ማህበረሰብ በኤርትራ ላይ ዲፕሎማሲያዊ ጫና እና ተጽዕኖውን እንዲያጠናክር ለማድረግ መዘጋጀታቸውን ነው የገለጹት። 

አዜብ ታደሰ 

እንዳልካቸው ፈቃደ

ተስፋለም ወልደየስ 

Audios and videos on the topic