በኢትዮጵያ የሥልጣን ሽግግር እንዴት? | ኢትዮጵያ | DW | 16.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

በኢትዮጵያ የሥልጣን ሽግግር እንዴት?

የኢትዮጵያ የሕዝብ ተወካዮች ምክር ቤት በጠቅላይ ሚኒስትሩ ጥያቄ ላይ መቼ ውሳኔ እንደሚሰጥም ሆነ አዲስ ጠቅላይ ሚኒስትር መቼ እንደሚሰየም በግልጽ የተነገረ ነገር የለም።

የኢትዮጵያ ጠቅላይ ሚኒስትር አቶ ኃይለ ማርያም ደሳለኝ በገዛ ፈቃዳቸው ከኃላፊነታቸው እነሳለሁ ማለት እያነጋገረ በርካታ ጥያቄዎችንም እያስነሳ ነው። ለድርጅታቸው እና ለመንግሥት የሥራ መልቀቂያ ደብዳቤ ማስገባታቸውን ትናንት የተናገሩት አቶ ኃይለ ማርያም ጥያቄያቸው በሕዝብ ተወካዮች ምክር ቤት ተቀባይነት እስከሚያገኝ ድረስ በኃላፊነታቸው ላይ እንደሚቆዩ አሳውቀዋል። ሆኖም የኢትዮጵያ የሕዝብ ተወካዮች ምክር ቤት በጠቅላይ ሚኒስትሩ ጥያቄ ላይ መቼ ውሳኔ እንደሚሰጥም ሆነ አዲስ ጠቅላይ ሚኒስትር መቼ እንደሚሰየም በግልጽ የተነገረ ነገር የለም። በኢትዮጵያ ብዙም ካልተለመደው ከአቶ ኃይለማርያም የሥልጣን መልቀቅ ጥያቄ በኋላ የሥልጣን ሽግግሩ እንዴት ሊሆን ይችላል? ምንስ ይጠበቃል? ስንል የሕግ ባለሞያ አቶ ተማም አባቡልጎን አነጋግረናል። የድምጽ ማዕቀፉን በመጫን ማዳመጥ ይችላሉ።

ኂሩት መለሰ

ሸዋዬ ለገሠ
 

Audios and videos on the topic