በአጥፍቶ ጠፊ ጥቃት አሌፖ ውስጥ ቢያንስ 39 ሰዎች ተገደሉ | ዓለም | DW | 15.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ዓለም

በአጥፍቶ ጠፊ ጥቃት አሌፖ ውስጥ ቢያንስ 39 ሰዎች ተገደሉ

በመንግሥት ቁጥጥር ሥር በምትገኘው አሌፖ በተሽከርካሪ ላይ በተጠመደ የአጥፍቶ ጠፊ የቦምብ ጥቃት በዛሬው ዕለት ቢያንስ 24 ሰዎች መገደላቸውን የሶርያ ሰብዓዊ መብቶች ታዛቢ ቡድን ገለጠ። የሶርያ መንግስት ቴሌቭዥን ጣቢያ ጥቃቱ በ«አሸባሪ ቡድኖች» ተፈፅሟል ብሏል። የቴሌቭዥን ጣቢያው 39 ሰዎች መገደላቸውን ገልጧል።

በመንግሥት ቁጥጥር ሥር በምትገኘው አሌፖ በተሽከርካሪ ላይ በተጠመደ የአጥፍቶ ጠፊ የቦምብ ጥቃት በዛሬው ዕለት ቢያንስ 24 ሰዎች መገደላቸውን የሶርያ ሰብዓዊ መብቶች ታዛቢ ቡድን ገለጠ። የሶርያ መንግስት ቴሌቭዥን ጣቢያ ጥቃቱ በ«አሸባሪ ቡድኖች» ተፈፅሟል ብሏል። የቴሌቭዥን ጣቢያው 39 ሰዎች መገደላቸውን ገልጧል። በሰሜን ምዕራባዊ ሶሪያ በአማጺያን ቁጥጥር ስር ከሚገኙት ፉዓ እና ካፍራያ ከተባሉ ከተሞች በሺህዎች የሚቆጠሩ ሰዎች በመውጣት አሌፖ ውስጥ እንደተከማቹ ነበር ጥቃቱ የደረሰው ሲል ታዛቢ ቡድኑ አስታውቋል።

አጥፍቶ ጠፊው አል ረሺድ በተባለው ሥፍራ የርዳታ ቁሳቁሶች መጫን የነበረበትን ተሽከርካሪ ከከተሞቹ ለመውጣት የተዘጋጁ ዜጎች ከጫኑ አውቶቡሶች ጋር በማጋጨት ቦምብ ማንጎዱን የፈረንሳይ ዜና አገልግሎት ዘግቧል። በጥቃቱ በርካታ ሰዎች በመቁሰላቸው የሟቾች ቁጥር ሊጨምር ይችላል ተብሏል።ጥቃቱ ሲፈጸም ከፉዓ እና ካፍራያ የወጡት ዜጎች በመንግሥት ቁጥጥር ሥር ወደ ምትገኘው አሌፖ ተጉዘው ወደ ላታኪያ አሊያም ደማስቆ ሊያመሩ ነበር ተብሏል።

እሸቴ በቀለ

ማንተጋፍቶት ስለሺ