በትግራይ በተመጣጣኝነት ይተገበራል የተባለውን የአስቸኳይ ጊዜ አዋጅ | ኢትዮጵያ | DW | 05.11.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

በትግራይ በተመጣጣኝነት ይተገበራል የተባለውን የአስቸኳይ ጊዜ አዋጅ

በአዋጁ ትግራይ ለመጪዎቹ 6 ወራት በወታደራዊ ዕዝ (ኮማንድ ፖስት) ትተዳደራለች። ግብረ-ኃይሉ የፀጥታ ኃይላትን በሙሉ በአንድ ዕዝ አስተባብሮ ይመራል ፣ ያዛል፤ ጥቃትን ይከለክላልም ተብላል።  

አውዲዮውን ያዳምጡ። 04:33

በትግራይ ክልል እንዲደነገግ የወጣዉ የአስቸኳይ ጊዜ ደንብ በሙሉ ድምፅ አፀድቋል

የኢትዮጵያ የሕዝብ ተወካዮች ምክር ቤት በትግራይ ክልል የአስቸኳይ ጊዜ አዋጅ እንዲደነገግ ትናንት የወጣዉን ደንብ በሙሉ ድምፅ አፀደቀ። የሚንስትሮች ምክር ቤት የአስቸኳይ ጊዜ አዋጁን ትናንት የደነገገዉ ሕገ መንግሥቱንና ሕገ መንግሥታዊ ስርዓቱን «ከአደጋ ለመከላከል» በሚል ነዉ። በአዋጁ መሠረት ከትናንት በስቲያ ሌሊቱን የፌደራል መንግስቱ ጦርና የትግራይ መስተዳድር ሚሊሺያ ወይም ልዩ ኃይላት ዉጊያ የገጠሙባት ትግራይ ለመጪዎቹ 6 ወራት በወታደራዊ ዕዝ (ኮማንድ ፖስት) ትገዛለች። ሥለ አዋጁ ይዘትና አፈፃፃም ዛሬ ዶክተር ጌድዮን ጤሞትዮስ  ለጋዜጠኞች ማብራርያ ሰጥተዋል። ጠቅላይ አቃቤ ሕግ ጌዲዮን ጢሞቲዮስ እንዳሉት አዋጁን በሥራ ላይ እንዲያዉል ሥልጣን የተሰጠዉ ግብረ-ኃይል የአዋጁን ተፈፃሚነት የማጥበብ ወይም በሌሎች የሐገሪቱ ክፍሎችም ተፈፃሚ የማድረግ ሥልጣን አለዉ። ግብረ-ኃይሉ የፀጥታ ኃይላትን በሙሉ በአንድ ዕዝ አስተባብሮ በአስፈላጊነትና በተመጣጣኝነት መርህ ይተገበራል ይመራል ፣ ያዛል፤ ጥቃትን ይከለክላልም ተብላል። 

ሰለሞን ሙጬ 

አዜብ ታደሰ 
እሸቴ በቀለ 
 

Audios and videos on the topic