በመቐለ ሕገ ወጥ የመሬት ቅርምትና ሥራ አጥነት | ኢትዮጵያ | DW | 01.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

በመቐለ ሕገ ወጥ የመሬት ቅርምትና ሥራ አጥነት

በመቐለ ዙርያ የሚገኙ አርሶ አደሮች ያለ ተመጣጣኝ ካሳ ከቅያቸው በመነሳታቸው ለከባድ ኢኮኖምያዊና ማሕበራዊ ችግር እየተጋለጡ መሆናቸው ተነገረ፡፡ ለኢንቨስትመንት ለመሠረተ ልማት ለቤቶች ግንባት በሚል ምክንያቶች ከተማዋ ያላግባብና ያለ ሕግ ወደ ጎን መስፋት ብቻ ሳይሆን ለገበሪዎች የሚሰጣቸዉ ካሳም ዝቅተኛ በመሆኑ ችግሩን አባብሶታል ተብሎአል።

በመቐለ ዙርያ የሚገኙ አርሶአደሮች ያለ ተመጣጣኝ ካሳ ከቅያቸው በመነሳታቸው ለከባድ ኢኮኖምያዊና ማሕበራዊ ችግር እየተጋለጡ መሆናቸው ተነገረ፡፡ ከዚህ በተጨማሪ ሌሎች የአስተዳደርና ስራ ዕድል ፈጠራ ጥያቄዎች በመቐለ ከተማ ወጣቶች እየቀረቡ እየቀረቡ ይገኛሉ፡፡ ባለፉት ዓመታት የትግራይ ክልል ርእሰ ከተማ የሆነችው መቐለ ወደ ጎን እየሰፋች መምጣትዋ ተከትሎ በዙርያዋ ይኖሩ የነበሩ አርሶአደሮች ከማሳቸው እየተነሱ ለከባድ ኢኮኖሚያዊ እንዲሁም ማሕበራዊ ችግር እየተጋለጡ መምጣታቸው ይገለፃል፡፡ ይህና ሌሎች ችግሮች መነሻ በማድረግ ከሁለት ሺህ በላይ የሚገመቱ የመቐለ ኩሓ ክፍለከተማ ወጣቶችና አርሶአደሮች ለመንግስት ጥያቄዎቻቸው በማቅረብ ላይ ናቸው፡፡ ከመሬት ጉዳይ በተጨማሪ ወጣቶች የመልካም አስተዳደር፣ ተጠቃሚነት እንዲሁም በአካባቢያቸው ሰው የመተዳደር ጥያቄዎች ያቀርባሉ፡፡ ወጣቶቹ ላቀረቡት ጥያቄ ምላሽ የሰጡት የህወሓት ስራ አስፈፃሚ አባል አቶ ጌታቸው ረዳ የአርሶአደሩ የካሳ ጉዳይ በትኩረት እንደሚታይ ተናግረዋል፡፡

ሚሊዮን ኃይለሥላሴ 

 

አዜብ ታደሰ

ሸዋዬ ለገሠ

Audios and videos on the topic