ስደተኞችን ከዳዳብ ወደ ሶማሊያ ለመመለስ መታቀዱ | አፍሪቃ | DW | 25.06.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

ስደተኞችን ከዳዳብ ወደ ሶማሊያ ለመመለስ መታቀዱ

ከዓለም ትልቁ የስደተኞች መጠለያ የኬንያው የዳዳብ የስደተኞች ካምፕ ነው ። ዳዳብ ከ20 ዓመት በፊት ከሶማሊያ የተሰደዱ ና ከዚያም በኋላ የሄዱ የተጠለሉበት ስፍራ ነው። ከስደተኞቹም አንዳንዶቹ እዚያው የተወለዱ ናቸው ።

default

Flüchtlingslager Dadaab Kenia

የኬንያ መንግሥት አሁን የሶማሊያ ስደተኞች ወደ ሃገራቸው እንዲመለሱ ይፈልጋል ። ብዙዎቹ ግን ለዚህ አልተዘጋጁም ። ዳዳብ በሚገኘው ከዓለም ትልቁ የስደተኞች መጠለያ ቁጥራቸው ግማሽ ሚሊዮን የሚጠጋ ሰዎች በአነስተኛ ጎጆዎችና በድንኳኖች ይኖራሉ ። አብዛናዎቹ ከ20 ዓመት በላይ ጦርነት ወደተካሄደባት ሃገራቸው መመለስ አይፈልጉም ። ከዓለም ትልቁ የስደተኞች መጠለያ የኬንያው የዳዳብ የስደተኞች ካምፕ ነው ። ዳዳብ ከ20 ዓመት በፊት ከሶማሊያ የተሰደዱ ና ከዚያም በኋላ የሄዱ የተጠለሉባት ስፍራ ናት ። ከስደተኞቹም አንዳንዶቹ እዚያው የተወለዱ ናቸው ። የኬንያ መንግሥት አሁን የሶማሊያ ስደተኞች ወደ ሃገራቸው እንዲመለሱ ይፈልጋል ። ብዙዎቹ ግን ለዚህ አልተዘጋጁም ። ዳዳብ የሚገኘው ከዓለም ትልቁ የስደተኞች መጠለያ አብዛኛው ክፍል እንደ ከተማ የሚቆጠር ነው ። በመጠለያው የፍራፍሬና የጥራጥሬ ገበያ፣ አነስተኛ ሱቆች ይገኛሉ ። የስልክ ካርዶች ባትሪ የኤሌክትሮኒክ መሣሪያዎች ሳይቀሩ ይሸጣሉ ። ከ20 ዓመት በፊት በተመሰረተው በዚህ መጠለያ ቁጥራቸው ግማሽ ሚሊዮን የሚጠጋ ሰዎች በአነስተኛ ጎጆዎችና በድንኳኖች ይኖራሉ ። ከ20 ዓመት በላይ ጦርነት ወደተካሄደባት ሃገራቸው መመለስ አይፈልጉም ።ከስደተኞች አንዳንዶቹ እዚያው ነው የተወለዱት ።«ወደ መጠለያው የመጣሁት የአንድ ዓመት ልጅ ሳለሁ ነበር ።አሁን 23 ዓመቴ ነው »ብዙዎቹ ወደ መጠለያ የጎረፉት የዛሬ 2 ዓመት በሶማሊያ በተከሰተው ድርቅና ረሃብ ምክንያት ነበር ።

Flash-Galerie 60 Jahre Genfer Flüchtlingskonvention

ከዚያን ጊዜ አንስቶ ዳዳብ በስደተኞች እንደተጨናነቀች ነው ። ለኬንያ መንግሥት መጠለያው ዓይን እንደሚጎዳ እሾህ ነው የሚታየው ። መንግሥት መጠለያው በቋሚነት እንዲቀጥል አይፈልግም ። ስደተኖቹ ከሚቀጥለው ወር አንስቶ ወደ ሶማሊያ መመለስ አለባቸው ይላል ። በዚህ ጉዳይ ላይ የኬንያው ፕሬዝዳንት ኡሁሩ ኬንያታና የሶማሊያው አቻቸው ሃሰን ሼክ መሐመድ በዚህ ወር መጀመሪያ ላይ ተነጋግረው ነበር ። ኬንያ ስደተኞችን ከማስጠለል ይልቅ የሶማሊያው የሰላም ሂደት መደገፍ ነው የምትመርጠው ። ኡሁሩ ኬንያታ በዚህ ረገድ የመንግሥታትን ትብብር ጠይቀዋል ። « የሁለታችንም መንግሥታት በተገቢው መንገድ መርሃ ግብሩን ተግባራዊ ማድረግ እንድንችል ወዳጅ መንግሥታት አብረውን እንዲሰሩ ጥሬ እናቀርባለን ። የአሸባብ ርዝራዦችን ተከታትሎ ለማደን ፣ ደህንነት የማስጠበቅ ዘመቻችን ፣ የመረጃ ልውውጥን የሚያጠናክር መሆን ይገባዋል ። »ፅንፈኞቹ ሙስሊም ሚሊሽያዎች ከረዥም ጊዜያት አንስቶ አብዛኛውን የሶማሊያ ክፍል ይቆጣጠራሉ ። ሚሊሽያዎቹ ከ2 ዓመት በፊት በአፍሪቃ ህብረት ኃይሎች ከሶማሊያ ዋና ከተማ መቅዲሾ ቢባረሩም በሽምቅ ውጊያ የሚያደርሱት ጥቃት እንደቀጠለ ነው ።

Hungersnot Afrika Dossierbild 2

ባለፈው ሳምንት ረቡዕ አሸባብ መቅዲሾ በሚገኘው የተባበሩት መንግስታት ቢሮ ላይ ጥቃት አድርሷል ። ይሁን እንጂ ዓለም ዓቀፍ ድርጅቶች በሶማሊያ ሁኔታው ፍፁም ተስፋ አስቆራጭ ነው አይሉም ። ተስፋ የተጣለው ከሁሉም በላይ በዚህ ዓመት መግባያ ላይ ሥልጣን በያዘው በአዲሱ የሶማሊያ መንግሥት ላይ ነው ። የሶማሊያው ፕሬዝዳንት ሃሰን ሼክ መሐመድ በሶማሊያ የበለጠ ሰላም ያሰፍናሉ የሚል እምነት ተጥሎባቸዋል ።ፕሬዝዳንት መሐመድ ሰዎቹን ከመጠለያ ጣቢያ ወደ ሃገራቸው ለመመለስ ተዘጋጅተዋል ።« እነዚህ ስደተኞች ወደ የመንደሮቻቸው ወደ ሃገራቸው ፣ ሶማሊያ ወደ ሚገኙ ቤታቸው እንዲመመለሱ ማረጋገጥ አለብን ። »አብዛኛዎቹ ሶማሌዎች ግን ሁኔታውን በተለየ መንገድ ነው የሚመለከቱት ። ዳዳብ ለሚገኙ ወጣቶች ሶማሊያ ከአሁን በኋላ ሃገራቸው አይደለችም ። አብዛኛዎቹ ሶማሊያን አያውቁም ፤ የሶማሊያ ምንም ትውስታም የላቸውም ።

Flash-Galerie Dürre ohne Ende Dürre am Horn von Afrika Zehn Millionen Hungernde erwartet

« ወደ ዚህ ስመጣ በጣም ልጅ ነበርኩ ። በእናቴ ጀርባ ታዝዮ ነው የመጣሁት ። አሁን ለኛ ጥሩ የመመለሻ ጊዜ አይደለም ። እዚያ ብንሄድ ብዙ የሚገጥሙን ነገሮች አሉ ። ልንደፈር ልንገደል እንችላለን »« ሶማሊያን አይቻት አላውቅም ። አሁን ወደ እዚያ ብመለስ ፍጹም ባዕድ ነው የምሆነው »ይሁንና መንግሥት ይህን የስደተኞቹን ስሜት እምብዛም ከግምት ውስጥ ማስገባት የሚፈልግ አይመስልም ። የፊታችን ነሐሴ ናይሮቢ ኬንያ ውስጥ የሶማሊያ ጉባኤ ለማካሄድ ታቅዷል ። በዚህ ጉባኤ ላይም ስደተኞቹን ወደ ሃገራቸው የሚመለሱበት ዝርዝር ሁኔታ ይመከርበታል ። በኬንያ መንግሥት እቅድ የጎርጎሮሳውያኑ 2013 ዓመተ ምህረት ከመጠናቀቁ በፊት ከስደተኞቹ አብዛኛዎቹ ወደ ሃገራቸው መመለስ አለባቸው ።

ሂሩት መለሰ

አርያም ተክሌ

Audios and videos on the topic