ሱዳን የውጭ ኃይሎች የትንቅንቅ አውድማ? | አፍሪቃ | DW | 06.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አፍሪቃ

ሱዳን የውጭ ኃይሎች የትንቅንቅ አውድማ?

የሱዳን ወታደራዊ የሽግግር መንግሥት ከአፍሪካ ኅብረት እና የአውሮፓ ኅብረት በኩል ሥልጣኑን ለሲቪል አስተዳደር እንዲያስረክብ ጫና ሲበረታበት ከሳዑዲ አረቢያ እና ከየተባበሩት አረብ ኤሚሬቶች በኩል ድጋፍ አግኝቷል። የዩናይትድ አረብ ኤሚሬቶች ጋዜጦች የሽግግር ምክር ቤቱን የሚመሩ ወታደራዊ ሹማምንትን የሚያሞካሹ ዘገባዎች ያቀርቡ ይዘዋል።

አውዲዮውን ያዳምጡ። 04:29

ወታደራዊው የሽግግር ምክር ቤት ከተቃዋሚዎች ድርድር ላይ ነው

የሱዳን ወታደራዊ የሽግግር መንግሥት ከአፍሪካ ኅብረት እና የአውሮፓ ኅብረት በኩል ሥልጣኑን ለሲቪል አስተዳደር እንዲያስረክብ ጫና ሲበረታበት ከሳዑዲ አረቢያ እና ከየተባበሩት አረብ ኤሚሬቶች በኩል ድጋፍ አግኝቷል። ከሱዳን የተቃውሞ አስተባባሪዎች ጋር ድርድር በማድረግ ላይ የሚገኘው ምክር ቤቱ በነዳጅ ዘይት ከናጠጡት የመካከለኛው ምሥራቅ አገራት 3 ቢሊዮን ዶላር የገንዘብ ድጋፍ ተደርጎለታል። በየመን በጀመሩት ጦርነት የሱዳን ወታደሮችን ከጎናቸው ያሰለፉት እነ ሳዑዲ አረቢያ የውጭ ምንዛሪ እጥረት ለሚያንገዳግደው የሱዳን ምጣኔ ሐብት 500 ሚሊዮን ዶላር በፍጥነት ከመስጠታቸው ባሻገር ርካሽ ነዳጅ፣ መድሐኒት እና ምግብ ለማቅረብ ቃል ገብተዋል።

አል-በሽር ከሥልጣን ከወረዱ በኋላ አቡ ዳቢ ነፍጥ ያነገቡ የሱዳን ተቃዋሚዎች ጭምር የተሳተፉበት እና በአገሪቱ መጪ እጣፈንታ ላይ የሚመክር ውይይት አስተናግዳለች። የዩናይትድ አረብ ኤሚሬቶች ጋዜጦች የሽግግር ምክር ቤቱን የሚመሩ ወታደራዊ ሹማምንትን የሚያሞካሹ ዘገባዎች ያቀርቡ ይዘዋል። ተንታኞች ይኸ ከእነ ሳዑዲ አረቢያ በተቃራኒ የቆሙት ኳታር እና ቱርክ እጃቸውን በሱዳን ጉዳይ እንዲያስገቡ ይጋብዛቸዋል የሚል ሥጋት አላቸው። የከፋው ግን ወታደራዊው የሽግግር ምክር ቤት ሥልጣኑን ለማስረከብ አሻፈረኝ ቢልስ የሚለው ጥያቄ ነው። የብራስልሱ የዶይቼ ቬለ ወኪል ገበያው ንጉሴ ተጨማሪ ዘገባ አለው።

ገበያው ንጉሴ
ነጋሽ መሐመድ

Audios and videos on the topic