ሰመርጃም - በኮሎኝ ከተማ የሬጌ ዘፈን የሙዚቃ ድግስ | ባህል | DW | 08.07.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ባህል

ሰመርጃም - በኮሎኝ ከተማ የሬጌ ዘፈን የሙዚቃ ድግስ

26ኛው የሰመር ጃም የሙዚቃ ድግስ ጀርመን ውስጥ በኮሎኝ ከተማ ሲካሄድ በሺዎች የሚቆጠሩ ተመልካቾችና 37 የሙዚቃ ባንዶች ተገኝተዋል።

default

ሰመር ጃም የተሰኘዉ የሬጌን ስልት ብቻ የሚያስኮመኩመዉ የሙዚቃ ድግስ ጀርመን ላይ በየዓመቱ ሲካሄድ ብዙ ዓመታትን አስቆጥሯል። በሰሜን አትላንቲክ የበጋ ወራት የሚቀርበዉ ይህ የሙዚቃ ድግስ ከጀርመን ብቻ ሳይሆን ከተለያዩ የአዉሮጳ ሀገራት ታዳሚዎችም አሉት።

Deutschland Musik Köln SummerJam Festival am Fühlinger See

የዘንድሮዉ 26ኛው የሰመር ጃም የሙዚቃ ድግስ ጀርመን ውስጥ በኮሎኝ ከተማ ሲካሄድ በሺዎች የሚቆጠሩ ተመልካቾችና 37 የሙዚቃ ባንዶች ተገኝተዋል። በውሀ የተከበበችው ትንሽ ደሴት ላይ ተመልካቾች የተከሏቸዉ የድንኳኖችን ብዛት ለተመለከተ፤ የሀይቲ በመሬት መንቀጥቀጥ ተመትታ ህዝቧ በወቅቱ የሠፈረበትን ሁኔታ ያስታውሳል። በሙዚቃ ድግሱ ላይ ፀጉራቸው የተጥመለመለ ወይም ድሬድ ሎክ ያላቸው በደስታ ሲፍነከነኩ ነዉ የከረሙት።

Deutschland Musik Köln SummerJam Festival am Fühlinger See

ለሶስት ቀናት በቆየው የሙዚቃ ዝግጅት ላይ በየቀኑ በሺዎች የሚቆጠሩ ሰዎች ነበር የተገኙት። ከዘፋኞች ጥቂቶቹን ብጠቅስ ዘ ኮንጎስ፣ ጂሚ ክሊፍ፣ አልፋ ብሎንዲ፤ የቦብ ማርሪይ ልጅ- ዚጊ ማርሌይ ነበሩ። ከጃይማይካ፤ ከአፍሪካና ከአውሮፓ የመጡትየሙዚቃ ባንዶች፤ በተለያየ የእድሜ ክልል ውስጥ ናቸው። የዛኑም ያህል ታዳሚዉ ከህፃን እስከ አዋቂ ነበር። ስለ ዝግጅቱ የበለጠ ለማወቅ ከፈለጉ ዘገባውን ያድምጡ።

ልደት አበበ

ሸዋዮ ለገሰ

Audios and videos on the topic