ሞስኮ-የሩሲያ ዉሳኔ፣የኮሮና ተሕዋሲ ስርጭት | አውሮጳ/ጀርመን | DW | 01.06.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አውሮጳ/ጀርመን

ሞስኮ-የሩሲያ ዉሳኔ፣የኮሮና ተሕዋሲ ስርጭት

ሩሲያ በቅርቡ ያፀደቀችዉን መድሐኒት በመጪዉ ሳምንት ለኮቪድ 19 ሕሙማን መስጠት እንደምትጀምር አስታወቀች። ሮይተር ዜና አገልግሎት የሩሲያ ባለስልጣናትን ጠቅሶ እንደዘገበዉ ፀረ ተሕዋሲዉ መድሐኒት በሽተኞችን ብቻ ሳይሆን በሩሲያ የጤና ስርዓት ላይ ያረፈዉን ጫና ለማቃለል ይረዳል።

ሩሲያ በቅርቡ ያፀደቀችዉን መድሐኒት በመጪዉ ሳምንት ለኮቪድ 19 ሕሙማን መስጠት እንደምትጀምር አስታወቀች። ሮይተር ዜና አገልግሎት የሩሲያ ባለስልጣናትን ጠቅሶ እንደዘገበዉ ፀረ ተሕዋሲዉ መድሐኒት በሽተኞችን ብቻ ሳይሆን በሩሲያ የጤና ስርዓት ላይ ያረፈዉን ጫና ለማቃለል ይረዳል።የሮይተር ዘገባ የመድሐኒቱን ዓይነት፤የመፈወስ አቅሙንና ሙከራዉን ግን አልጠቀሰም።ይሁንና ጃፓን በተመሳሳይ መድሐኒት ላይ ሙከራ ማድረጓን አመልክቶ ቶኪዮ ለበሽተኞች ለመስጠት ገና አለመወሰኗን አስታዉቋል።የኮሮና ተሕዋሲ ባጭር ጊዜ በከፍተኛ ፍጥነት የተሰራጨባት ሩሲያ በተሕዋሲዉ በተያዙ ሰዎች ቁጥር ከዩናያትድ ስቴትስና ከብራዚል ቀጥላ ከዓለም የሶስተኛነቱን ደረጃ ይዛለች።በተሕዋሲዉ በተያዙም፣ በኮቪድ 19 በሞቱም ሰዎች ቁጥር እስካሁን ዩናይትድ ስቴትስን የሚስተካከል ሐገር የለም።አሜሪካ 104,233 ዜጎችዋ በበሽታዉ ሞተዋል።1.8 ሚሊዮን አሜሪካዊ ደግሞ በተሕዋሲዉ ተለክፏል።ብራዚል ዉስጥ  30 ሺሕ ያሕል ሕዝብ ሲሞት፣ 515 ሺሕ የሚሆን ተለክፏል።ሩሲያ ዉስጥ ከ4 ሺሕ 600 መቶ በላይ ሲሞት፣ 406 ግድም ተለክፏል።በሟቾች ቁጥር የሶስተኛነቱን ደረጃ የያዘችዉ ብሪታንያ ናት።38 ሺሕ 500 ግድም።በመላዉ ዓለም በተሕዋሲዉ የተለከፈዉ ሰዉ ቁጥር ከ6.13 ሚሊዮን በልጧል፣ 370 ሺሕ 316 ሰዉ ሞቷል።

 

ነጋሽ መሐመድ

አዜብ ታደሰ