ለተፈናቀሉ ወገኖች የኢትዮጵያውያን ርዳታ | ኢትዮጵያ | DW | 15.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

ለተፈናቀሉ ወገኖች የኢትዮጵያውያን ርዳታ

ዓለም አቀፍ ትብብር ለኢትዮጵያዊያን ሀገር ውስጥ የተከሰተው የመፈናቀል ችግር በቀላሉ የማይታይና ከፍተኛ አደጋ ያስከተለ መሆን አመለከተ። በጌዲኦ እና በአማራ ክልል ለተፈናቀሉ ወገኖች ያሰባሰበውን 37 ሚሊየን ብር ዛሬ ያስረከበው ድርጅቱ፤ ዜጎች ለምን ይፈናቀላሉ?

አውዲዮውን ያዳምጡ። 04:17

37 ሚሊየን ብር ለተፈናቀሉ መርጃ ሰጥቷል

 መፈናቀል እስከመቼ ይቀጥላል የሚለው በአፋጣኘን መልስ ሊያገኝ የሚገባው ጉዳይ ነው ሲል አሳስቧል። ዜጎች «ይህ የኔ ሃገር ነው» የሚለው እምነታቸው እንዲመለስ እና መሰል ችግሮች እንዲቀረፉም በቀጣይ የእርቅ ሥራዎች ላይ ለመሳተፍ ማቀዱን  የትብብሩ ፕሬዝዳንት  ተናግረዋል።

ዓለም አቀፍ ትብብር ለኢትዮጵያዊያን መብት ላለፉት ስድስት ዓመታት ኢትዮጵያዊያን መብታቸው እንዲከበር ከፍተኛ ሥራ ሲያከናውን እንደቆየ በመጥቀስ በተለይም በመቶ ስዎች የተፈናቀሉበት የጌዴዎ እና የጉጅ ዞኖች ግጭት ባደረሰውን ጥፋት ለተጎዱት ከመላው ዓለም 18 ሽ የሚጠጉ ኢትዮጵያዊያን  ከ31.4 ሚሊዮን ብር በላይ በማዋጣት ቤቶች እንዲገነቡ ፤ መልሰው ወደነበሩበት እንዲመለሱ እና የመቋቋሚያ ገንዘብ እንዲያገኙ ለማድረግ ሙሉ ገንዘቡን ለወርልድ ቪዥን ኢትዮጵያ ዛሬ አስረክቧል።

በዚህም ወደ 1710 ቤቶች ይገነባሉ ተብሏል። ወርልድ ቪዥን ኢትዮጵያ የተመረጠበት ምክንያትም በስፍራው ሰፊ የሰው ኃይል ያላቸው መሆኑ፤ ልምዳቸውና ከምንም በላይ የሥራ ማስኬጃውን ወደ 5.7 ሚሊዮን ብር ራሱ ድርጅቱ ለመሸፈን ሙሉ በሙሉ በመስማማቱ መሆኑ ተገልጽዋል። ዓለም አቀፍ ትብብር ለኢትዮጵያዊያን ከዚህ በተጨማሪም በጎንደር በተቀሰቀሰው ግጭት መፈናቀልና ጉዳት ለደረሰባቸው ዜጎች በዚሁ ዕለት የ3 ሚሊዮን ብር ድጋፍ አድርጓል።

ሰሎሞን ሙጬ

ሸዋዬ ለገሠ

ኂሩት መለሰ

Audios and videos on the topic

ተዛማጅ ዘገባዎች