የዉጪ ጉዳይ ሚንስቴር መግለጫ

የኢትዮጵያ መንግስት ያወጀዉን የተናጥል ተኩስ አቁም ሕዝባዊ ወያኔ ሓርነት ትግራይ (ሕወሓት) አለመቀበሉን በተመለከተ ኢትዮጵያ ለተባበሩት መንግስታት ድርጅት ባለስልጣን ማብራሪያ መስጠትዋን የውጭ ጉዳይ ሚኒስቴር አስታወቀ።የዉጪ ጉዳይ ሚንስቴር ቃል አቀባይ ዲና ሙፍቲ ዛሬ እንዳሉት መንግስታቸዉ አቋሙን ለዓለም አቀፉ ድርጅት የፖለቲካ እና የሠላም ጉዳዮች ኃላፊ አስረድቷል።አምባሳደር ዲና እንዳሉት ሱዳን የኢትዮጵያን ድንበር ጥሳ በያዘችው ቦታ ላይ ሰዎችን የማስፈርና ድልድዮችን የመገንባት ተግባር ውስጥ መግባቷን አረጋግጠው ፣ ይህ ድርጊታቸው እንደማያዋጣቸው እየተነገራቸው መሆኑንም ገልፀዋል።ከሳውዲ አረቢያ በሁለት ሳምንት ውስጥ ምንም ዝግጅት ሳይደረግ የአገሪቱ መንግሥት በፈጠረው ጫና የተመለሱ ከ40 ሺህ በላይ ዜጎች አዲስ አበባ ከደረሱ በኋላ ወደየአካባቢያቸዉ መላካቸዉን አስታዉቀዋልም።

ሰለሞን ሙጬ 

ነጋሽ መሐመድ

ሸዋዬ ለገሰ