የሁዳዴ ጾም

በዓቢይ ጾም ወቅት የኢትዮጵያ ኦርቶዶክስ ተዋህዶ እምነት ተከታዮች 55 ቀናት፣ ካቶሊኮች ደግሞ 40 ቀናት ይጾማሉ። በኦርቶዶክስ እምነት በዓመት ሰባት የተለያዩ የጾም ጊዚያት አሉ። የእምነቱ ተከታዮች በዓመት ከ165 እስከ 250 ቀናት ይጾማሉ።

በአንድ የጎንደር ቤተ ክርስትያን የእምነቱ ተከታዮች ግንባራቸው ላይ በአመድ የመሥቀል ምልክት ይሰራሉ። በጾም ወቅትም ወተት እና እንቁላልን የመሳሰሉ የእንሰሳ ተዋፅዖዎችን አይበሉም። ከዚህ በተጨማሪ እስከ ዘጠኝ ሰዓት ከቀትር በኋላ ድረስ አይበሉም፣ አይጠጡም።

ለኢትዮጵያውያን ጾም እና የአጿጿም ዘዴ በምዕራቡ ዓለም ብዙዎች ሊረዱት የማይችሉት መንፈሳዊ ትርጓሜ አለው። የኦርቶዶክስ ተዋህዶ ቤተክርስትያን ዲያቆን መኮንን እንደሚሉት፣ በስነ መለኮት አስተምህሮት መሰረት፣ ወደ እግዚአብሔር ለመቅረብ ጾም ፣ ማለትም ከስጋዊ ፍላጎቶች መራቅ አስፈላጊ ነው።

የቤተ ክርስትያን ቀነኖ በጾም ወቅት የአልክሆል መጠጥ እና ወሲባዊ ግንኙነትን ባይከለክልም፣ እንደ ዲያቆን መኮንን ገለጻ፣ ብዙ ምዕመናን በፈቃዳቸው ከነዚህ ተግባራት ይቆጠባሉ።

እጎአ በ2015 ዓም የ«ፒው» ምርምር ማዕከል ያየጣው አንድ ጥናት እንደሚያሳየው፣ ከኢትዮጵያ ህዝብ መካከል 98% ሀይማኖትን የማንነቱ መገለጫ አድርጎ ይመለከተዋል።

ብዙ ኢትዮጵያውያን አንገታቸው ላይ መሥቀል ያደርጋሉ። የማርያምን እና የኢየሱስ ክርስቶስን ስዕሎች፣ እንዲሁም፣ የመጽሐፍ ቅዱስ ጥቅሶችን በብዙ ታክሲዎች እና ሚኒባሶች መስታወቶች ላይ ይለጥፋሉ። በመኖሪያ ቤታቸውም እነዚህን ስዕሎች እና ጥቅሶች ይሰቅላሉ።

ከእምነታቸው ጋር የተገናኙ ስዕሎች በብዙዎች የእጅ ስልኮች ላይ ይታያሉ።

ጿሚዎች የቀኑን ጾም ከአትክልት እና ከጥራጥሬ በተሰሩ የተለያዩ ምግቦች ይፈታሉ።

ምዕመናኑ የጾሙ ጊዜ ካበቃ በኋላም ፀሎታቸውን አያቋርጡምም፣ በተለይ፣ በችግር ጊዜ። ጄምስ ጄፍሪ/አርያም ተክሌ