አሳዛኙ የኤርትራውያን ስደተኞች ዕጣ ያስከተለው ወቀሳ

በጀልባ ይጓዙ የነበሩት ስደተኞች የሚታደጋቸው አጥተው በረሀብና በውሀ ጥም መሞታቸው ያስቆጫት ቤተክርስቲያኗ ሠለጠነ የሚባለው ህብረተሰብ ከዕውቀት ዕጦት ብቻ ሳይሆን በራስ ወዳድነት የውጭ ዜጎችን ያለመቀበል አዝማሚያ በማሳየት ወቅሳለች ። የትች ናዳ የወረደባት ኢጣልያ እንዲሁም ማልታ በስደተኞቹ ጉዳይ እየተነታረኩ ነው ። ኢጣልያ ችግሩን የመወጣቱ ሀላፊነት የአውሮፓ ህብረት ድንበር ለሆኑት እንደ ኢጣልያ ለመሳሰሉት አገራት ብቻ መተው የለበትም ስትል ትከራከራለች ። የአውሮፓ ህብረት በበኩሉ በሀያ ሰባቱ አባል ሀገራት የሚሰራ አንድ ወጥ የስደተኞች ህግ በማርቀቅ ላይ መሆኑን አስታውቋል ።

ጌታቸው ተድላ ሂሩት መለሰ