ብሄራዊ ቡድኑ ይመሰገናል

ተጫዋች አዳነ ግርማና እስራት መገርሳ በደረሰባቸዉ ጉዳት ከጨዋታዉ ዉጭ ባይሆኑ ኖሮ ምናልባትም ይህ ዉጤት ባልተከሰተ ነበር፤ ሲሉ በርካታ የእግር ኳስ አፍቃሪዎች አስተያየታቸዉን ይሰጣሉ። አሰልጣኝ ሰዉነት ቢሻዉ በበኩላቸዉ በድክመታችን ዋጋ ከፍለናል ማለታቸዉ ተመልክቶአል። በደቡብ አፍሪቃ እንዲሁም በዓለም ዙርያ የሚገኙ የኢትዮጵያ ብሄራዊ ቡድን ደጋፊዎች የጨዋታዉ ዉጤት ቢያሳዝነንም ከ 31 ዓመታት በኋላ በአፍሪቃ ደረጃ እንድንጋጠም እና ስማችን እንዲጠራ ላበቁን ለብሄራዊ ቡድን አባላቶቻችን እና ለአሰልጣኙ ከፍ ያለ ምስጋና ሊቀርብላቸዉና ልናወድሳቸዉ ይገባል፤ በማለት በሞራል ከብሄራዊ ቡድን ጎን እንደሚቆሙ በተለያዩ የማህበራዊ መገናኛዎች አስተያየታቸዉን እየገለፁ ነዉ። ሃይማኖት ጥሩነህ የትናንቱን ጨዋታ በስቴድዮም ተከታትላ ተከታዩን ዘገባ አጠናቅራልናለች።

ሃይማኖት ጥሩነህ

አዜብ ታደሰ