’ہٹلر بیل‘ رکھنے کا فیصلہ

جرمنی کے اس چھوٹے سے گاؤں کی مقامی کونسل میں تین کے مقابلے میں دس ووٹوں سے یہ فیصلہ کیا گیا کہ سابقہ نازی دور میں گرجا گھر میں نصب کیے گئے اس گھنٹے کو چرچ میں ہی لگا رہنے دیا جائے۔ اس پر ہٹلر کے الفاظ، ’ وطن کے لیے سب کچھ‘ کنندہ ہیں۔

جرمن شہر ہائیڈل برگ سے پچاس کلو میٹر دور واقع گاؤں، ہیکس ہائم ام برگ  کے کونسلر کے مطابق اس گھنٹے پر سواستیکا کا نشان بھی بنا ہوا ہے۔ ان کے مطابق اس گھنٹے کو رکھنے کا فیصلہ اس لیے کیا گیا تاکہ اسے تجدید تعلقات کا محرک اور  تشدد اور نا انصافی کے خلاف نشانی کے طور پر یاد رکھا جائے۔

ہٹلر کی مرسیڈیز گاڑی کی امریکا میں نیلامی

ہٹلر کو فلم ’کنگ کانگ‘ کیوں پسند تھی؟ نئی کتاب

دوسری جانب اس گاؤں کے چند رہنے والوں نے اس فیصلے پر اعتراض کرتے ہوئے کہا ہے کہ انہیں خدشہ ہے کہیں یہ گھنٹا، دائیں بازو کی جماعتوں کے لیے باعث کشش نہ بن جائے۔ تاہم کونسل نے ان خدشات کے علاوہ  ایک مقامی پروٹيسٹنٹ چرچ کی اس پیشکش کو بھی رد کر دیا جس میں کہا گیا تھا کہ وہ اس گھنٹے کو اتارنے اور اس کی جگہ نئے گھنٹے کو لگانے کے تمام اخراجات برداشت کرنے کے ليے تیار ہے۔

کانسی سے بنا یہ متنازعہ گھنٹا اس چرچ میں سن 1934 سے نصب تھا۔ اس کے بارے میں اس وقت تک کسی کو خبر نہیں تھی تاہم چرچ میں موسيقی کا ايک آلا بجانے والے ایک شخص کی اس پر کنندہ تحریر کے حوالے سے شکایت پر اس کا نوٹس لیا گیا۔